Elbasy jáne elimizdiń Qarýly Kúshteri

Memleket tarıhy ınstıtýtynda Qazaqstan Respýblıkasy Parlamenti Májilisiniń depýtattary, Halyqaralyq ister, qorǵanys jáne qaýipsizdik komıtetiniń músheleri, Halyq qaharmany, general-leıtenant Baqytjan Ertaevtyń, general-leıtenant, tarıh ǵylymdarynyń doktory, professor Abaı Tasbolatovtyń jáne Memleket tarıhy ınstıtýty, L.N.Gýmılev atyndaǵy Eýrazııa ulttyq ýnıversıteti ǵalymdarynyń qatysýymen «Elbasy jáne Qazaqstan Respýblıkasynyń Qarýly kúshteri» taqyrybynda dóńgelek ústel ótti.

Memleket tarıhy ınstıtýtynda Qazaqstan Respýblıkasy Parlamenti Májilisiniń depýtattary, Halyqaralyq ister, qorǵanys jáne qaýipsizdik komıtetiniń músheleri, Halyq qaharmany, general-leıtenant Baqytjan Ertaevtyń, general-leıtenant, tarıh ǵylymdarynyń doktory, professor Abaı Tasbolatovtyń jáne Memleket tarıhy ınstıtýty, L.N.Gýmılev atyndaǵy Eýrazııa ulttyq ýnıversıteti ǵalymdarynyń qatysýymen «Elbasy jáne Qazaqstan Respýblıkasynyń Qarýly kúshteri» taqyrybynda dóńgelek ústel ótti.

Depýtat B.Ertaev óz sózinde 1992 jyldyń 7 mamyrynda Elba­synyń Jarlyǵymen Qazaqstan Respýb­lıka­synyń Qarýly Kúshteri qurylǵanyn, ony jasaqtaý ońaıǵa túspegenin aıtty. «Qolymyzda tozǵan tehnıkaǵa toly qoımalar, tájirıbeli ushqyshtar men janar-jaǵarmaıdyń joqtyǵynan ushpaıtyn ushaqtar, basqarýsyz áýe qorǵanys júıesi qaldy. 1992-1998 jyldar aralyǵynda Qarýly Kúshterimizdi qaıta quryp, 1999 jyldan bastap, ony túbegeıli reformalaýǵa kóshtik. Nátıjesinde Qarýly Kúshterimiz az ǵana ýaqyttyń ishinde el qorǵanyna aınaldy», dedi ol.

B.Ertaev aıtqandaı, ótken jyldarda bizdiń memleketimiz basty máseleni – qazirgi kezde búkil álem moıyndaǵan táýelsiz, derbes memleket qurý mindetin sheshti. Onyń qaýipsizdiginiń kepili – Qarýly Kúshter bolyp tabylady. Táýelsizdigimizdiń irgesi myqty bolýyna birden-bir sebepker – Qazaqstannyń Qarýly Kúshteriniń myqty bolýy.

General-leıtenant Abaı Tasbolatov jastarǵa patrıottyq tárbıe berý máselesin qozǵady. «Bizdiń babalarymyz keń-baıtaq jerimizge kóz alartqan jaýlaryn bilektiń kúshimen, naızanyń ushymen ǵana emes, aqylmen de, parasattylyqpen de, danalyqpen de jeńgen. Sondyqtan, jas­tardy so­lar­dyń úlgisinde tárbıeleýimiz kerek. Bizdiń elimiz Halyqaralyq arenada ózin­dik orny bar bedeldi memleket. Osy­nyń bar­lyǵy asyra siltep aıtqandyq emes, El­basy­myzdyń arqasy», – dedi A.Tasbolatov.

Dóńgelek ústelge qatysýshylar Elbasynyń Qazaqstan Respýblıkasy Qarýly Kúshterin damytýǵa udaıy qamqorlyq jasap otyrǵanyn basa aıtty.

– Memleket tarıhyna qatysty máse­leler zerttelip, jazylyp jatyr, osy ret­te áskerı taqyrypty da nazardan tys qaldyrmaǵanymyz jón. Osyn­daı máselelerdi talqylap, saralaý úshin sizderdi birlese jumys isteýge shaqyra­myz, – dedi dóńgelek ústeldiń moderatory, tarıh ǵylymdarynyń doktory, profes­sor Búrkitbaı Aıaǵan. Ol sonymen bir­ge, qazaqtyń janymen, qanymen, erjúrek batyrlarynyń erligimen saqtalǵan, qorǵalǵan atamekenimiz, qasıetti qazaq dalasy – babalarymyzdyń urpaǵyna qaldyryp ketken asyl murasy ekenin, osynyń barlyǵy Elbasynyń kóp jylǵy qajyrly eńbeginiń, qajymas qaıratynyń, sarqylmas kúshiniń arqasynda ósip-órkendep kele jatqanyn tilge tıek etti.

«Egemen-aqparat».