Búgin О́ńirlik kommýnıkasııalar qyzmetine bergen onlaın-suhbat barysynda Almatydaǵy №8 qalalyq emhananyń bas dárigeri Farıda Aǵybaeva pandemııanyń bolýy múmkin ekinshi tolqynyna emhanalardyń daıyndyǵy men jumys algorıtmi týraly baıandady, dep habarlaıdy Egemen.kz
Almatyda shahar basshysy Baqytjan Saǵyntaevtyń tapsyrmasymen koronavırýs pandemııasynyń jańa tolqynyna daıyndyqty qamtamasyz etý boıynsha barlyq sharalar aldyn ala qabyldandy.
№ 8 qalalyq emhana bazasynda Almatydaǵy barlyq medısınalyq mekemelerdiń jumys algorıtmi túsindirildi.
- materıaldyq jáne materıaldyq emes resýrstar boıynsha tıisti esepteýler arqyly COVID-19 pandemııasynyń jańa tolqynyna daıyndyq jospary ázirlendi;
- negizgi jáne qosymsha prosester turǵysynan daıyndyqty baǵalaýdyń chek-paraqtary, JRVI, koronavırýs ınfeksııasy bar naýqasqa kórsetiletin baǵyt ázirlendi;
- epıdemııanyń ekinshi tolqyny kezeńine Call-center-de medısınalyq tirkeý oryndaryna qosymsha 6 adam, pandemııanyń ekinshi tolqyny kezeńine jedel medısınalyq kómek bólimshesindegi qosymsha feldsherlik brıgadalar (3 negizgi brıgadaǵa deıin, 1 rezervtik), 2 avtokólik qajettiligi eseptelgen. Qajettilik boıynsha beıindi mamandar qatarynan, onyń ishinde úıde shaǵyn ınvazıvti manıpýlıasııalar jáne úı jaǵdaılarynda júzege asyrylatyn zerthanalyq-aspaptyq zertteýler júrgize otyryp, mobıldi dárigerlik brıgada qurylatyn bolady.
"Las" jáne "taza" aımaqtarǵa bólý júrgizildi. "Taza" aımaqta balalar men júkti áıelderge arnalǵan jeke fıltr-kabınetteri uıymdastyrylǵan. Pasıentter aǵynyn suryptaý úshin dáliz ornatyldy. Emhananyń kireberisinde búkil naýqastar aǵynynyń dene qyzýyn ólsheý úshin baılanyssyz teplovızor ornatylǵan. Emhanaǵa kirgen kezde pasıentter "trıaj" júıesi arqyly ótedi: baılanyssyz termometrııamen aǵyndarǵa bólý, JRVI jáne koronavırýs ınfeksııasy belgileriniń bar-joǵyna saýalnama júrgiziledi.
"Fıltr" men oqshaýlaǵyshtar birinshi qabatta uıymdastyrylǵan, onda olarǵa baılanyssyz termometrııa jáne COVID-19 joqqa shyǵarmaıtyn klınıkalyq belgileri bar pasıentterdi anyqtaý maqsatynda saýalnama júrgiziledi. Aýrý belgileri anyqtalǵan kezde bala ýaqytsha oqshaýlaǵyshqa ornalastyrylady. Pedıatr dáriger qarap teksergennen keıin, pasıent ambýlatorııalyq emdelýge jiberiledi nemese provızorlyq stasıonarǵa emdeýge jatqyzylady. Dene qyzýy joǵary balalar emhanaǵa jiberilmeıdi.
№8 emhanada KVI aýrýynyń sımptomsyz, jeńil, ortasha túri bar naýqastardy medısınalyq baqylaý boıynsha 12 mobıldi top quryldy. Mobıldi brıgadalar normatıvtik talaptarǵa sáıkes jabdyqtalǵan, sonyń ishinde jedel shuǵyl kómek kórsetýge arnalǵan jıyntyqtarmen jabdyqtalǵan. Osylaısha, mobıldi brıgadalar epıdemııalyq jaǵdaıǵa baılanysty medısınalyq qyzmetter keshenin kórsetedi: úıge shaqyrý boıynsha qyzmet kórsetý, pasıentterge konsýltasııa berý (aýdıo-vıdeo), bıologııalyq materıaldar úlgilerin jınaý, em taǵaıyndaý jáne t. b.
Búgingi kúni monıtorıngte sımptomsyz 2 naýqas bar. Sondaı-aq, jalpy praktıka dárigerleriniń bólim meńgerýshileri deńgeıinde JRVI, koronavırýs ınfeksııasy, qaýip tobyndaǵy pasıentterdi tıisti suryptaý jáne dınamıkalyq baqylaý júrgiziledi.
ALMATY