Reseıdiń Kemerovo oblysy parlamentiniń depýtattary memlekettik dýmaǵa reseılik balalardy shetel azamattarynyń asyrap alýlaryna tıym salý jóninde zań jobasyn usyndy. Bul týraly ITAR-TASS habarlady.
2013 jylǵy 1 qańtarda Reseıde el balalaryn AQSh azamattarynyń asyrap alýlaryna tıym salý jónindegi zań kúshine engen bolatyn. Al 2013 jylǵy shilde aıynda RF prezıdenti nekede turǵan bir jynysty azamattardyń elden bala asyrap alýlaryna tıym salatyn zańǵa qol qoıdy.
Kemerovo depýtattary usynyp otyrǵan zań jobasy Reseıdegi jetim balalardyń shetel azamattary men azamattyǵy joq adamdardyń asyraýyna berilmeýin qarastyrady. Reseı balalary shetel azamattarynyń asyrap alýlaryna tek olardyń arasynda týystyq qatynas bolǵan jaǵdaıda ǵana beriledi. Bul zań Kemerovo oblysy parlamentiniń sessııasynda qabyldandy. Alaıda, oblystyq prokýratýra zańdy federaldy zańnamaǵa qarama-qaıshy dep taýyp, oǵan qarsylyq bildirgen bolatyn.
Aıdar О́risbaev.
Derekkóz: Itar-tass.com