Búgin О́ńirlik kommýnıkasııalar qyzmeti alańynda ótken onlaın-brıfıngte Almaty qalalyq Taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Murat Muhamedııarov dári-dárimekter men medısınalyq buıymdar baǵasynyń ósýine jol bermeý sharalary týraly baıandady, dep habarlaıdy Egemen.kz.
Shilde aıynyń ortasynan qyrkúıek aıynyń sońyna deıingi kezeńde quqyq qorǵaý organdary Departamenttiń qatysýymen qala boıynsha dárihana uıymdaryna dárilik zattardyń baǵasyn kóterýge tekserý júrgizdi. Departament QR ÁQBtK-niń 426-babynyń 1-bóligi boıynsha jalpy somasy 28 mln teńgeden asatyn 156 aıyppul saldy. Sonymen qatar, quqyq qorǵaý organdary tekserý júrgizgennen keıin búgingi kúni jaǵdaı turaqty - sońǵy aıda dárilik zattyń baǵasyn kóterýge qatysty bir ǵana ótinish kelip tústi. Osy baǵyttaǵy jumystar jalǵasýda.
"Dárihana uıymdary baǵany Densaýlyq saqtaý mınıstrliginiń bólshek saýda baǵalary týraly buıryǵyna sáıkes keltiredi. Sondaı-aq normatıvtik quqyqtyq bazany jetildirý boıynsha jumys júrgizilýde. Osylaısha, koronavırýs ınfeksııasyn emdeý jáne aldyn-alý úshin dári-dármekterdi bir rettik ákelý rásimi jeńildetildi. Dárilik zattar men medısınalyq ónimder sapasynyń qaýipsizdigine baǵalaý júrgizý merzimi endi 3 jumys kúnin quraıdy", - dep atap ótti M.Muhamedııarov.
Munyń bári dárilik zattardy qaıta tirkeýdi toqtatpaý úshin jasalǵan, sonymen qatar dárilik zattar men medısınalyq ónimderdiń jedel saraptamasy qarastyrylǵan.