Almaty oblysynda bıylǵy jyly 12,9 mlrd teńgege densaýlyq saqtaý salasynyń 17 nysany salynýda, 7 nysannyń kúrdeli jóndeýine 3 mlrd teńge bólindi. Bul týraly búgin Prezıdent janyndaǵy OKQ alańynda ótken brıfıng barysynda Almaty oblysynyń ákimi Amandyq Batalov aıtty, - dep habarlaıdy Egemen.kz oblys ákiminiń baspasóz qyzmetine silteme jasap.
"COVID-19 indeti densaýlyq saqtaý salasy úshin úlken syn boldy, qabyldanǵan sharalarǵa qaramastan kadr jetispeýshiligi, qural-jabdyqtar jetkiliksizdigi áli bar. Sondyqtan jalpy pandemııamen kúres sharalaryna jergilikti bıýdjetten 13,8 mlrd teńge bólindi, sonyń 8,8 mlrd teńgesi ekinshi tolqynyna daıyndyqqa qarastyryldy", - dep atap ótti A. Batalov.
Onyń aıtýynsha, Taldyqorǵan qalasynda qysqa merzim ishinde 200 tósektik modýldi ınfeksııalyq aýrýhana salyndy. Ol barlyq qajetti zamanaýı qural-jabdyqtarmen jáne shtatpen qamtyldy. Al materıaldyq qoldaý kórsetý sheńberinde 5362 medısına qyzmetkerine 4,7 mlrd teńge kóleminde ústemaqy tólendi, 1123 medısına mamanyna jergilikti bıýdjetten 137 mln teńge syıaqy berilgen.