Pandemııanyń jańa tolqynyna jáne turaqtandyrý qoryna daıyndyq aıasynda Almatyda dárilik preparattar men medısınalyq ónimderdiń qory bar, dep habarlaıdy Egemen.kz.
Jalpy, turaqtandyrý qorynyń aıasynda 2021 jyldyń 31 qańtaryna deıin keminde 40 mln dári-dárimek pen medısınalyq ónimderdi jetkizý josparlanýda. Búgingi tańda 33 mln medısınalyq preparat ákelindi, onyń 14 mıllıony naryqqa satylyp, qalǵany qoımalarda saqtaýly. Sonymen birge, qajet bolǵan jaǵdaıda farmasevtıkalyq preparattardy naryqqa jetkizý úshin paıdalanylatyn 8 mln dári-dármektiń tómendetilmeıtin eń az qory saqtalýda.
Turaqtandyrý qorynyń ónimderi ornalasqan qoımalardyń birin aralaý barysynda «BIOLA» medısınalyq farmasevtıkalyq kompanııasy» JShS bas dırektory Lázzat Ishkaeva áleýmettik mańyzy bar medısınalyq ónimderdiń qory bar ekenin habarlady.
«Almaty qalasynyń ákimdigi dári-dárimekter men medısınalyq ónimderdiń tapshylyǵyn boldyrmaý maqsatynda turaqtandyrý qoryn qalyptastyrý úshin qarajat bóldi. Atalǵan qoımada turaqtandyrý qory boıynsha eń kóp suranysqa ıe medısınalyq buıymdar - shprıster, sıstemalar, termometrler bar. Qarasha aıynyń basynda biz medısınalyq buıymdardyń alty aılyq qoryn satyp aldyq jáne qalyptastyrdyq: 100 myń elektrondy jáne synapty termometrler kóleminde termometrler, 2 mln astam ınfýzııalyq suıyqtyqtar jáne 5 ml-lik 22 mln shprıs ", - dedi ol.
Sondaı-aq, onyń aıtýynsha, aǵymdaǵy jyldyń 4 qarashasynda ýaqytsha saqtaý qoımalarynda 7 mln astam ınfýzııalyq suıyqtyq pen 5 mln shprıs kedendik resimdeýdi kútýde. 128 myń synap jáne 160 myń elektrondyq termometr jetkiziledi dep kútilýde.
"Qordy tolyqtyrý turaqty negizde júrgiziledi. Bul suranys joǵary bolǵan jaǵdaıda qarbalasty teńdestirýge jáne jetkizilim aǵynyn ıkemdi basqarýǵa múmkindik beredi. Almatynyń jedel shtaby kún saıynǵy negizde qalanyń bólshek saýda jelilerine taýar kólemin tıep-jóneltýge monıtorıng júrgizedi. Árbir 20 kún saıyn qala bıligi qaldyqtardy tirkeıdi, osylaısha turaqtandyrý qory aıasyndaǵy taýarlardyń qaldyqtaryn jedel qadaǵalap otyrady", - dep atap ótti L.Ishkaeva.
Farmındýstrııanyń ókilderi habarlaǵandaı, Almatyda medısınalyq ónimderge suranys búgingi kúni pandemııaǵa deıingi qalypty deńgeıde.
Buǵan deıin QR farmasevtıkalyq qyzmetti qoldaý jáne damytý qaýymdastyǵynyń prezıdenti Marına Dýrmanova koronavırýs ınfeksııasyn emdeý úshin nozologııa engizilgenin, sonyń negizinde bes dári engizilgenin habarlady. Halyq bul preparattardy tegin medısınalyq kómektiń kepildendirilgen kólemi jáne mindetti áleýmettik medısınalyq saqtandyrý sheńberinde tirkelgen kezde emhanalardan ala alady. Osylaısha, Almatyda barlyq bes túrli preparat: apıksaban, dabıgatran, ıbýprofen, rıvaroksaban, parasetamol bar.