Almaty qalasyndaǵy Qorǵanys mınıstrliginiń áskerı medısına ortalyǵynda nusqaýshylar men paramedıkter alǵashqy medısınalyq kómek kórsetý boıynsha qysqa merzimdi trenıngten ótýde. Bul týraly Qorǵanys mınıstrliginiń baspasóz qyzmeti habarlady.
Is-shara QR Qorǵanys mınıstrligi men Halyqaralyq Qyzyl Krest komıtetiniń aǵymdaǵy jylǵa arnalǵan eki jaqty yntymaqtastyq jospary boıynsha uıymdastyryldy.
Lıvanǵa barýǵa daıyndalyp jatqan besinshi bitimgershilik rotanyń áskerı qyzmetshileri úshin sabaqty Qazaqstan Qyzyl Jarty Aı nusqaýshylary júrgizdi.
Teorııalyq turǵydan basqa qatysýshylar oqıǵa ornyn baǵalaý, zardap shekken naýqasty tekserý, jarylys pen kúıikten zaqymdanǵan jaǵdaıda alǵashqy kómek kórsetý, júrek-ókpe reanımasııasyn júrgizýdi tájirıbe júzinde daǵdylaryn shyńdady.
Kýrs aıaqtalǵannan keıin nusqaýshylar áskerı qyzmetshilerdi oqytý quqyǵyn beretin sertıfıkat alady.
Qazaqstannyń Qyzyl Jarty Aı qoǵamy álemdegi eń iri gýmanıtarlyq uıym, ol Qyzyl Krest jáne Qyzyl Jarty Aı halyqaralyq qozǵalysynyń bir bóligi bolyp tabylady.