Qazaqstannyń Varshavadaǵy Elshiligi Polshadaǵy qazaqstandyq stýdenttiń qaıǵyly qazasyna qatysty tergeýdi erekshe baqylaýda ustaýda.
Polshanyń quqyq qorǵaý organdarynyń málimetinshe, jergilikti polısııa kisi óltirgen kúdiktini jáne onyń joldasyn - osy eldiń azamattaryn ustady. Birinshisine kisi óltirdi degen aıyp taǵyldy, al onyń dosy tergeýge kedergi keltirdi jáne kómek kórsetpedi dep aıyptalýda. Kúdikti ańshy ekeni anyqtaldy jáne qazaqstandyq stýdentter turǵan jaqqa oq atqan. Qazirgi ýaqytta tergeý sharalary júrgizilýde.Qazaqstan tarapy Polsha bıligine barynsha muqııat tergeý júrgizýdi jáne barlyq kinálilerdi jazalaý týraly ótinish bildirdi. Qazirgi ýaqytta dıplomattar qujattardy rásimdep, marqumnyń denesin otanyna jiberý boıynsha sharalar qabyldaýda.Qaıtys bolǵan stýdenttiń týystary men jaqyndary olardyń sezimderi men jeke ómirine qol suqpaý quqyǵyn qurmetteýdi, osy tragedııa tóńireginde dúrliktirmeýdi suraıdy.