Megapolıs ákimi Baqytjan Saǵyntaevtyń tapsyrmasymen sanıtarlyq-epıdemııalyq sharalardy kúsheıtý aıasynda bıyl qarashanyń 6-nan 7-ne qaraǵan túni qalalyq Polısııa departamentiniń 7 tobymen birlesip, 32 mobıldi top qyzmet etti. Basty maqsaty - karantın sharalarynyń buzylý faktilerin anyqtaý jáne jolyn kesý.
Qazaqstanda ótken táýlikte koronavırýs ınfeksııasyna PTR nátıjesi oń shyqqan 613 naýqas anyqtaldy, onyń ishinde Almaty qalasynda 32 oqıǵa tirkelgenin eske salamyz.
Sonymen qatar, ashyq derekterge sáıkes birqatar elderde epıdemıologııalyq jaǵdaı nasharlaı túsýde, bul vırýstyń mýtasııasynan týyndaýy múmkin. Mysaly, Danııada adamdar kúzgi fermalarǵa baılanysty koronavırýstyń mýtasııalanǵan nusqasyn tapqannan keıin eldiń soltústiginde 280 myńnan astam adamǵa arnaıy shekteýler jarııalandy. Búginnen bastap Ońtústik Koreıada aýmaǵy 150 sharshy metrden asatyn meıramhanalar men dámhanalardy qosa alǵanda, qoǵamdyq maqsattaǵy obektilerdiń ıelerin kelýshilerdiń mindetti elektrondyq esebin júrgizýge mindetteıtin nusqama kúshine endi. Máskeýde 5 qarashadan bastap Máskeý Úkimetiniń ǵımarattarynda eksperıment retinde qyzmetkerler men kelýshiler úshin elektrondyq tirkeý júıesi engizildi. Sankt-Peterbýrgte koronavırýsqa baılanysty shekteýler qaıtadan engizildi. Ázirge úsh apta – 9-29 qarasha aralyǵyna.
Bıyl qarashanyń 6-nan 7-ne qaraǵan túni sanıtarlyq-epıdemııalyq talaptardyń saqtalýyna 52 nysan tekserildi. Tekserý kezinde 46 nysan jabyq turǵan. Kelýshilerdiń bolý ýaqyty toqtatylyp, 16 mekemeden qonaqtar shyǵaryldy. Onyń ishinde:
Medeý aýdanynyń aýmaǵynda:1. «Nebo» resto-bary (Dostyq dańǵyly, 192/2);2. «ChaıLa kitchen» meıramhanasy (Abaı dańǵyly, 17);3. «O2» klýb-bary (Qajymuqan kóshesi,43);4. «Late night show» bary ( Nazarbaev dańǵyly, 124);5. «Shıshka Edition» bary (Qajymuqan kóshesi,49);6. Bodı massaj salony ( Ospanov kóshesi,54).
Almaly aýdany:1. Red Dragon dámhanasy (Gogol kóshesi, №87 úı);2. «Arena» kompıýter klýby (Gogol kóshesi, №58 úı);3. «Aragosta» dámhanasy (Jambyl kóshesi, №129 úı);4. «Bıngo» loto klýby (Masanshy kóshesi, №61 úı);5. «Aýra» kompıýter klýby (Qashqar kóshesi, №69 úı); 6. «Blek» kafe-bary (Nazarbaev dańǵyly, №57 úı);.7. «Bıngo» loto klýby (Seıfýllın dańǵyly, №519 úı.);8. Loto klýb (Abaı dańǵyly, №143 úı);9. «Pırat» dámhanasy(Tole bı kóshesi, №207a úı);10. «Grand-Opera» qonaq úıi( lobbı bar qyzmet etken) (Qabanbaı batyr kóshesi, №136/1 úı).
Barlyq anyqtalǵan buzýshylyqtar boıynsha materıaldar tıisti sharalardy qabyldaý úshin berildi. Sonymen birge karantın sharalaryn qatań ustaný jáne tártip buzýshylyqtardy joıý qajettigi týraly túsindirý júrgizildi. Sonymen qatar, tekserý sharalary barysynda túngi toptar QR ÁQBtK-niń 425-babynyń 1-bóligi boıynsha 20 maskalyq rejımdegi quqyq buzýshyny ákimshilik jaýapkershilikke tartty.
Almaty ákimdigi kásipkerlik sýbektilerinen menshik nysanyna qaramastan sanıtarlyq-epıdemıologııalyq qaýipsizdik sharalaryn buzbaýdy suraıdy. Megapolıs turǵyndary men qonaqtaryna, ásirese 65 jastan asqan kisilerge adamdar kóp jınalatyn oryndarǵa barmaý usynylady.
Bıznes nysandary belgilengen jumys rejımin saqtaýy jáne qalanyń Bas memlekettik sanıtarııalyq dárigeriniń qaýlysymen belgilengen barlyq talaptardyń tolyq oryndalýyn qamtamasyz etýi qajet: personal men kelýshilerdi termometrııalaýdy júrgizý, personaldy medısınalyq maskalar men qolǵaptarmen qamtamasyz etý; qoldy dezınfeksııalaý úshin sanıtaızerler ornatý; 4 sharshy metrge 1 adam esebinen kelýshiler sanyn shekteýdi qamtamasyz etý; áleýmettik belgiler bolǵan kezde saýda zaldaryna kirýdi júzege asyrý; kelýshilerden betperdelerdiń bolýyn talap etý;; kelýshilerdiń jınalýyn boldyrmaý jáne áleýmettik alshaqtyqtyń saqtalýyn qamtamasyz etý; irgeles aýmaqty dezınfeksııalaýdy táýligine keminde 1 ret júrgizý.