Keıbir ınternet-saıttarda jáne áleýmettik jelilerde Qazaqstan Ázerbaıjanǵa qarý-jaraq jetkize bastaǵany týraly habarlama tarady. Bul tujyrym – feık, dep habarlaıdy Egemen.kz Stopfake.kz resýrsyna silteme jasap.
QR Indýstrııa jáne ınfraqurylymdyq damý mınıstrligi bul habarlamany resmı túrde joqqa shyǵardy. «Qazaqstan elimizdiń álemdik qoǵamdastyq aldyndaǵy barlyq mindettemelerin saqtaýdy ustanady jáne basqa elderge qarý-jaraq jetkizý nıeti joq. Maqalada aıtylǵan málimetter shyndyqqa janaspaıdy jáne oǵan esh negiz joq» delingen vedomstvo málimdemesinde.
Mınıstrlik jalǵan málimetterge senbeýge shaqyrady. Tek resmı derekkózderdi ǵana basshylyqqa alý kerek. QR IIDM azamattyq avıasııa komıtetiniń aqparatyna sáıkes, 2-3 qarashada Nur-Sultan men Baký qalalary arasynda Silk Way West Airlines áýe kompanııasynyń ushaqtary ushpaǵan.