Serbııalyq tennısshi Novak Djokovıch karerasynda altynshy márte Halyqaralyq kásipqoı tennısshiler assosıasııasynyń (ATR) reıtınginde jyldy birinshi orynmen aıaqtady.
Bul nátıjesimen Djokovıch amerıkalyq áıgili tennısshi Pıt Samprastyń rekordyn qaıtalady. О́z kezeginde Sampras 1993 jáne 1998 jyldar aralyǵynda reıtıngti birinshi orynmen túıindegen-di. «Men sol ýaqytta Pıttiń oıynyn qarap, sol sııaqty myqty tennısshi bolýdy armandap óstim. Mine, búgin úlgi tutqan tennısshimniń jetistigin qaıtalap otyrmyn. Bul da bir armanymnyń oryndalǵany», deıdi 33 jastaǵy tennısshi.
2020 jyly Djokovıch Aýstralııa ashyq chempıonatynda top jaryp, Dýbaı, Nıý-Iork jáne Rımde ótken halyqaralyq týrnırde jeńiske jetti. Sporttyq karerasynda serbııalyq tennısshi 81 tıtýlǵa qol jetkizgen.