Densaýlyq saqtaý mınıstrligi búgingi tańda elimizde koronavırýs indetine shaldyqqan 7 030 adam em-dom qabyldap jatqanyn málim etti, dep habarlaıdy Egemen.kz
"Qazirgi ýaqytta koronavırýstyq ınfeksııadan 7 030 adam em qabyldaýdy jalǵastyrýda. Olardyń arasynda 375 bala bar. Stasıonarlarda 2 813 naýqas jatyr. 4 217 adam ambýlatorııalyq jaǵdaıda emdelýde. Jalpy naýqastardyń arasynda 190 adamnyń ahýaly nashar. Onyń ishinde 20 naýqastyń ahýaly asa qatty aýyr dep baǵalanýda. 27 naýqas ókpeni jasandy jeldetý apparatynda jatyr", delingen mınıstrlik habarlamasynda.