Koronavırýs ınfeksııasyna testileý teris nátıje bergen jolaýshylar ǵana ushaqqa otyrýy kerek, dep habarlaıdy Egemen.kz
Birinshiden, bul basqa jolaýshylardyń juqtyrý qaýpin azaıtady, osylaısha búkil ushaqtyń «saý» ushatynyna senimdilik beredi. Bul týraly №3 kópsalaly qalalyq aýrýhana dırektorynyń orynbasary Janar Ksanova aıtty.
Sonymen qatar ushaqqa otyrar aldynda PTR synaǵynan ótý azamattyń jeke ýaqytyn únemdeıdi. PTR anyqtamamen kelgennen keıin ol jaıbaraqat úıine qaıtady.
"Medısına qyzmetkerleri áýe jolaýshylaryna kóp eńbek pen kúsh jumsaıtynyn umytpaǵan jón", dep atap ótti Janar Ksanova.
Dárigerler halyqaralyq reısterde anyqtalǵan oń nátıjelerdiń negizgi bóligi aýrýdyń sımptomsyz túri ekenin, bul óz kezeginde basqalarǵa ınfeksııa kózi bolýy múmkinin aıtady. Adam óziniń ınfeksııanyń sımptomsyz tasymaldaýshysy ekenin bilmeı, koronavırýs ınfeksııasyn juqtyrý qaýpin týdyrýy múmkin.
6 qazan men 9 qarasha aralyǵynda karantın stasıonarynda zerthanalyq zertteýlerden keıin koronavırýs ınfeksııasynyń sımptomsyz 8 tasymaldaýshysy anyqtaldy. Olardyń biri 9 qarashada Mınsk – Nur-Sultan reısimen keldi. Qazirgi ýaqytta úı karantıninde oqshaýlanǵan. Barlyǵy osy ýaqyt aralyǵynda 164 reıs, 3211 jolaýshy qabyldandy.