IIM Qazaqstan tarıhynda alǵash ret "Sert" respýblıkalyq detektıvtik shyǵarmalar baıqaýyn uıymdastyrýdy qolǵa aldy, dep habarlaıdy IIM silteme jasap.
Baıqaý Qazaqstan Respýblıkasy Táýelsizdiginiń 30 jyldyǵyn toılaý aıasynda ótkiziledi. Baıqaýdyń maqsaty – halyqtyń quqyqtyq sanasy men mádenıetin, sondaı-aq patrıotızmdik sezimdi arttyrý, ishki ister organdarynyń qyzmetkerlerin Otanǵa qaltqysyz qyzmet etýge, ant pen qyzmettik paryzǵa adal bolýǵa tárbıeleý.
Budan buryn jarııalanbaǵan iri proza janryndaǵy detektıvtik shyǵarmalardy (80 betten turatyn romandar men 50 betten turatyn povester) qabyldaýdy uıymdastyrý komıteti 2021 jylǵy 1 sáýir men 1 mamyr aralyǵynda júrgizedi.
Baıqaý erejelerimen Ishki ister mınıstrliginiń resmı paraqshasynan, áleýmettik jelilerden jáne Polisia.kz saıty men óńirlik departamentterdiń paraqshalarynan taba alasyzdar.
Baıqaý qorytyndysyn elimizge tanymal aqyn-jazýshylar, synshylar men ádebıettanýshylar, qoǵam qaıratkerleri, jýrnalıster jáne ishki ister organdarynyń ardagerleri shyǵaratyn bolady.