TJM turǵyn úı sektorynda tótenshe jaǵdaılardyń týyndaý táýekelin tómendetýge baǵyttalaǵan profılaktıkalyq is-sharalar ótkizilip jatyr, dep habarlaıdy Egemen.kz Tótenshe jaǵdaılar mınıstrilige silteme jasap.
Aǵymdaǵy jylǵy 15 tamyzdan bastap peshterdi ornatý kezinde órt qaýipsizdigi talaptaryn túsindirý boıynsha órt qaýipsizdigi aılyǵynyń birinshi kezeńi ótkizildi (aǵymdaǵy jylǵy 15 tamyz ben 15 qyrkúıek aralyǵynda), atap aıtqanda halyqtyń áleýmettik osal toptarynyń turǵyn úılerin aralaý. 20 qyrkúıekten bastap halyqty qaıta aralaý júrgiziledi, onda buryn buzýshylyqtar anyqtaldy.
Jylytý maýsymynyń basynda (2020 jylǵy 1 qyrkúıekten bastap) turǵyn úı sektorynda 1 761 órt boldy, sonyń nátıjesinde 47 adam qaza tapty, ýly gazben ýlaný (órt týyndamaı) saldarynan 7 adam qaza tapty. Bul týraly TJM resmı ókili Talǵat Ýalı habarlady.
О́tken jylytý kezeńiniń uqsas kezeńimen salystyrǵanda órtter sanynyń 7,3%–ǵa óskeni, sondaı–aq órt kezinde adamdardyń qaza bolýynyń 9,6%-ǵa tómendegeni baıqalady, órt týyndamaı ýly gazben ýlaný saldarynan qaza bolǵandar 30%-ǵa tómendedi.
2020-2021 jj. jylytý kezeńiniń basynan bastap órt saldarynan 55 adam jaraqat aldy, órt týyndamaı ýly gazben ýlaný sebebinen 51 adam jaraqat aldy.
О́tken jylytý kezeńiniń uqsas kezeńimen salystyrǵanda órt kezinde jaraqattanǵandardyń 12,2%-ǵa jáne órt týyndamaı ýly gazben ýlaný nátıjesinde jaraqattanǵandardyń 13,3%-ǵa ósýi baıqalady.
Azamattyq qorǵaý organdarynyń bastamasy boıynsha áleýmettik qorǵaý, bilim berý, densaýlyq saqtaý organdarynyń ókilderimen birlesip halyqtyń áleýmettik osal toptarynyń, jetim balalardyń, kópbalaly otbasylardan shyqqan balalardyń turǵyn úılerine barý jumystary qolǵa alyndy. Aralaý jumystary barysynda qajetti áleýmettik kómek aıqyndalady.
Máselen, halyqtyń áleýmettik osal toptaryna jatatyn 118 myń turǵyn úı esepke alyndy. Birinshi kezeńde áleýmettik osal toptaǵy turǵyn úılerdi 100% aralaý qamtamasyz etildi. Onyń barysynda 334 myń azamatqa nusqaý berildi. Jergilikti atqarýshy organdardyń ókilderimen birlesip qurylǵan komıssııa 87 myń úıge bardy.
45 myń úıde 83 myńnan astam órt qaýipsizdigi talaptaryn buzýshylyq anyqtaldy, onyń 33 myńy sol jerde joıyldy.
Qaıta aralaý barysynda (100%) 118 myń úı qamtyldy (132 úıge ıeleri kirgizgen joq, 604 úıde ıeleri bolmaǵan). Onyń barysynda 101 myń úı órt qaýipsizdigi talaptaryn buzbaı paıdalanyp jatqany jáne 16 myń úıde buzýshylyqtar bar ekeni anyqtaldy. Bul aqparat jergilikti atqarýshy organdaryna berildi.
Halyqtyń áleýmettik osal toptarynyń turǵyn úılerinen basqa, aldyn alý jumystarymen avtonomdy jylytý júıelerimen baılanysty tótenshe jaǵdaılardyń týyndaýyna neǵurlym beıim turǵyn úıler qamtylady. Bul turǵyda ótken jylytý maýsymdarynyń tájirıbesi eskerildi.
Máselen, 759 myń úıge aralaý jumystary júrgizildi (14 651 úıge ıeleri kirgizgen joq, 38 177 úıde ıeleri bolmaǵan ). Onyń barysynda 1,5 mln. azamatqa nusqaý berildi. 214 myń úıde 323 myń buzýshylyq anyqtalyp, onyń 138 myńy oqıǵa ornynda joıyldy.
Buzýshylyqtardyń 90%-y elektr jelilerin, elektr jabdyqtaryn jáne avtonomdy jylytý júıelerin paıdalanýǵa baılanysty.
Jergilikti atqarýshy organdardyń qarajaty, demeýshilik kómek esebinen (2020 jylǵy 1 maýsymnan bastap) ýly gazben ýlanýdan nemese janý ónimderinen bolǵan qaıǵyly jaǵdaılardyń qaýpin azaıtý maqsatynda 13 myń datchık satyp alyndy jáne ornatyldy.
Peshpen jylytýdy paıdalaný kezinde:
1) janyp jatqan peshterdi qaraýsyz qaldyrmańyz, sondaı-aq olardy qadaǵalaýdy balalarǵa tapsyrmańyz;
2) jaǵý úshin daıyndalǵan otyndy, sondaı-aq basqa da janǵysh zattar men materıaldardy pesh aldyndaǵy tósemege ornalastyrmańyz;
3) qatty otynmen janatyn peshterdi jaǵý úshin tez tutanatyn jáne janǵysh suıyqtyqtardy qoldanbańyz;
4) otynnyń bul túrlerine arnalmaǵan peshterdi kómirmen, kokspen jáne gazben jaqpańyz;
5) peshti qyzdyrmańyz, janǵysh zattar men materıaldardy (aıaq kıimdi, kıimdi, otyndy) peshtiń ústinde jáne tútindikterde keptirmeńiz;
6) sańylaýlardy jobalaý normalarynda kózdelmegen ysyrmalardy (japqyshtardy) paıdalanbańyz;
7) dıametri 15 mm kem sańylaýy bar japqyshtardy paıdalanýǵa jol berilmeıdi;
8) jeldetý jáne gaz kanaldaryn murjalar retinde paıdalanbańyz;
9) aqaýlary, jaryqtary jáne sańylaýlary bar peshterdi jaǵýdy júzege asyrýǵa jol berilmeıdi.
Jylytý peshteri men júıeleriniń tútin murjalary, murjalary jáne basqa elementteri tikeleı jylytý maýsymy bastalar aldynda, sondaı – aq jylytý maýsymy kezinde:
úsh aıda bir ret – jylytý peshteri úshin,
eki aıda bir ret-úzdiksiz jumys isteıtin peshter men oshaqtar úshin kúıeden tazartylýy tıis.