Qosaǵashta qazaq tilin úıretetin onlaın synyp ashyldy, dep habarlaıdy Egemen.kz
Onlaın synyp Reseıdiń Altaı Respýblıkasyndaǵy Qosaǵash aýylynda ótken "Qosaǵash aýdanyndaǵy qazaq tilin oqytýdyń damýy, máseleleri jáne bolashaǵy" atty halyqaralyq konferensııasy sheńberinde "Otandastar qory" KeAQ qoldaýymen ashyldy.⠀Qosaǵash aýdany bilim berý basqarmasy jáne Qosaǵash qazaqtarynyń jergilikti qoǵamdyq uıymy uıymdastyrǵan is-sharaǵa "Otandastar qorynyń" ókilderi onlaın rejımdegi telekópir arqyly qatysty.⠀"Otandastar qorynyń" vıse-prezıdenti Maǵaýııa Sarbasov konferensııa qatysýshylaryna sáttilik tilep, qor basshylyǵy qazaq tilin damytýǵa baǵyttalǵan is-sharalardy árdaıym qoldap, oń baǵasyn beretinin jetkizdi.