19 qarashadan bastap Shymbulaq, 16 qarashadan bastap Medeý muz aıdyny synaq rejıminde ashylady, - dep habarlaıdy Egemen.kz
Synaq rejıminde jumys isteýine ruqsat etilgen týrızm nysandary - 2020 jyldyń 19 qarashasy men 30 qarashasy aralyǵynda "Medeý" sporttyq-saýyqtyrý ortalyǵy jáne 2020 jyldyń 16 qarashasy men 30 qarashasy aralyǵynda Shymbulaq taý-shańǵy kýrorty. Medeý muz aıdynyna jiberiletin adam sany 500-den aspaýy tıis. Shymbulaqqa kelýshiler burynǵy qabyldanatyn týrıster sanynyń 30% -ynan aspaýy kerek, - delingen Almaty qalasynyń bas sanıtarlyq dárigeri Janarbek Bekshınniń qaýlysynda.
Sondaı-aq "Shymbulaq" taý-shańǵy kýrorty men "Medeý" sporttyq-saýyqtyrý ortalyǵynyń tamaqtaný obektilerine ruqsat, onda da ashyq aspan astynda 50 orynnan aspaıtyn, ústelder arasyndaǵy qashyqtyq keminde 2 metrdi qamtýy kerek. Bastysy ol arada ujymdyq is-sharalar ótkizýge qatań tyıym salynady, delingen qaýly talaptarynda.