S.О́tebaev atyndaǵy Atyraý munaı jáne gaz ýnıversıtetinde memleket jáne qoǵam qaıratkeri Nurlan Balǵymbaev atyndaǵy stıpendııa taǵaıyndalady, dep habarlaıdy Egemen.kz
Ýnıversıtet rektory Gúlzada Shakýlıkovanyń aıtýynsha, talapty jastardy yntalandyrýǵa baǵyttalǵan jumystar jalǵasyn taýyp keledi. Bıyl 250 stýdentke korporatıvtik grant taǵaıyndaý qolǵa alyndy. Sonymen qatar, oqý ornynyń alǵashqy rektory, akademık Tóleýish Serikov, memleket jáne qoǵam qaıratkeri Ravıl Shyrdabaev atyndaǵy stıpendııalar tabystaldy.
"Endi memleket jáne qoǵam qaıratkeri, belgili munaıshy Nurlan О́tepuly Balǵymbaev atyndaǵy ataýly stıpendııa taǵaıyndaýǵa konkýrs jarııalanyp otyr. Memlekettik basqarý men otandyq ekonomıkany damytý isiniń qaıratkeri Nurlan О́tepuly bilimi men mol tájirıbesin munaı-gaz salasynyń órkendeýi men qalyptasýyna jumsady. Sol sebepten, ýnıversıtet basshylyǵy stýdentterdiń oqý, ǵylymı jáne shyǵarmashylyq qabiletin yntalandyrý maqsatynda belgili memleket qaıratkeri atyndaǵy arnaýly stıpendııany taǵaıyndaýdy jón kórdi. Ataýly stıpendııa bes úzdik stýdentke beriledi. Aı saıyn beriletin 50 myń teńgelik stıpendııany ıelený úshin stýdenttiń oqýda ozat, ómirlik ustanymy belsendi, bilim-ǵylymǵa qabiletti, daryndy, jaýapkershiligi joǵary bolýyna basa mán beriledi", deıdi rektor Gúlzada Shakýlıkova.