Respýblıkalyq partııa atynan prezıdent saılaýyna túsken Donald Tramp dúısenbide ádil saılaý úshin kúresti bastaıtynyn málimdedi. Osylaısha, Pensılvanııa, Mıchıgan syndy áýelden naqty bir tarapty qoldamaǵan shtattardaǵy sanaqty toqtatýǵa tyrysty.
Aqúı baspasóz hatshysy Keılı Makınanıge qandaı da bir quqyqbuzýshylyq faktisin kórsetý tapsyryldy. Ol respýblıkalyqtardyń kýágerlerden jazbasha túsinikteme jınaǵanyn habarlady. «Bárimizdiń qalaýymyz shyndyq pen ádildik», deıdi baspasóz hatshysy.
Donald Tramp qarsylasyna jol berýden bas tartýmen qosa, oıǵa qonymsyz málimdemeler jasap, jańa saılanǵan prezıdent Djo Baıdendi federaldyq qarjyǵa jolatpaı, onyń keńsesiniń jumysqa kirisýine múmkindik bermeı, túgel eldi tyǵyryqqa tirep otyr. Bul áreketin Tramp kelesi jyldyń 20 qańtaryna deıin jalǵastyra alady.
«Bul saılaý júıesi 200 jyldan beri jumys istep keledi. Al bıyl jaramsyz bolyp, memleketimizge kesirin tıgizýi múmkin emes», deıdi senator Sıýsan Kollınz.