11 qarasha kúni Qyzylorda qalalyq Polısııa basqarmasynyń Tasbóget polısııa bólimine urlyq jóninde habarlama túsedi. Aryzdanǵan azamatsha qoǵamdyq kólikte 60 myń teńge aqshasy jáne qujattary salynǵan ámııannyń joǵalǵanyn aıtady, dep habarlaıdy Egemen.kz.
Polısııa qyzmetkerleri jábirlenýshige profılaktıkalyq esepte turatyndardyń sýretin kórsetip, aryzdanýshy olardyń ishinen urlyq jasaǵan kúdiktini tanyp, naqty kórsetedi.
Polısııa qyzmetkerleriniń jedel áreketteriniń arqasynda birneshe saǵattan keıin qalta urysy ustaldy. Tekserý barysynda buryn sotty bolǵan qala turǵyny urlaǵan ámııan ishindegi aqshany óz qajettilikterine jumsaǵany belgili boldy. Qazir polıseıler onyń basqa da urlyqtarǵa qatystylyǵyn tekserýde.
Qazaqstan Respýblıkasy Qylmystyq kodeksiniń 188-babynyń 1-bóligimen (urlyq) sotqa deıingi tergep - tekserý bastaldy. Kúdiktige qatysty "eshqaıda ketpeý jáne ózin durys ustaý týraly qolhat" túrindegi bultartpaý sharasy qoldanyldy.