Qyzylordada "STOP trafık" jedel-profılaktıkalyq is-sharalaryn júrgizý barysynda paıdakúnemdik maqsatta jeńgetaılyqpen aınalysyp júrgen azamatsha anyqtaldy, dep habarlaıdy Egemen.kz.
11 qarasha kúngi reıd barysynda polıseıler oblys ortalyǵynyń saýnalardyń birinen tutynýshylarǵa jeńil júristi qyzdardy usynyp, jeńgetaılyqpen aınalysqan qala turǵynyn ustady. Atalǵan derek boıynsha Qazaqstan Respýblıkasy Qylmystyq kodeksiniń 309-babynyń 1-bóligimen sotqa deıingi tergep-tekserý bastaldy.
Osy shara aıasynda qoǵamdyq oryndarda tıisý deregi boıynsha 18 azamatqa ákimshilik shara kórildi. Jeńgetaılyq úshin úı-jaılar usynýdyń 2 deregi anyqtaldy. Olarǵa qatysty Qazaqstan Respýblıkasy Ákimshilik quqyq buzýshylyqtar týraly kodeksiniń 449 jáne 450 baptary boıynsha ákimshilik hattamalar toltyryldy.