23 qazan men 13 qarasha aralyǵynda Nur-Sultan qalasynda qazaqtildi kontentti jasaýshylarǵa arnalǵan QAZFORUM-2020 onlaın-trenıngteri ótti. Qazaqstannyń túkpir-túkpirinen 130-dan astam medıamamandar elimizdiń jetekshi sarapshylarynyń trenıngteri men vebınarlaryn tyńdady, dep habarlaıdy Egemen.kz.
Trenıngterdiń negizgi maqsaty – pandemııa kezińde jýrnalısterdiń, blogerlerdiń, redaktorlardyń quzyrettiligin damytýǵa járdemdesý. Qazforum bastamashysy jáne ıdeıalyq shabyttandyrýshysy – Qazaqstandaǵy AQSh Elshiligi, uıymdastyrýshysy – Qazaqstan Baspasóz klýby.
Medıatrener Ashat Erkimbaıdyń "BAQ redaksııa jumysyn qashyqtan úılestirý" taqyrybyndaǵy alǵashqy trenıngi 23 qazanda ótti. Qatysýshylar qashyqtan jumys isteý kezinde týyndaıtyn negizgi máselelerdi talqylap, áriptesterimen onlaın tıimdi ózara árekettesýge múmkindik beretin negizgi quraldar týraly bildi. Spıkerdiń pikirinshe, karantın kezeńindegi jumys jaǵdaılarynyń basty aıyrmashylyǵy - basqarý modeli ıerarhııalyq, tik-kóldeneńinen ózgeredi, onda barlyq qyzmetkerlerdiń fýnksııalary teń jáne árqaısysy ortaq iske óz úlesin qosady.
30 qazanda medıa-trener Saltanat Askerbekqyzynyń "Qazirgi qazaqstandyq jýrnalıstıkadaǵy kásibı etıka jáne quqyq" atty trenıngi ótti. Tyńdaýshylar qazaqstandyq medıadaǵy naqty keıster men jarııalanymdardy taldap, sýbektıvti pikir men kásibı kózqarasty ajyrata bilýdi úırendi, adam quqyqtaryn buzatyn negizgi termındermen tanysty, sondaı-aq jýrnalısterge saqtaýǵa mańyzdy Qazaqstan Respýblıkasynyń zańdaryna, halyqaralyq normalarǵa toqtaldy.
6 qarashada ótken "Visual-jýrnalıstıka" trenınginde mýltımedıalyq jýrnalıst Baýbek Saǵyndyq qazaq tilinde kórneki tartymdy kontent jasaýdyń qupııasymen bólisti, ony oqyrmandar tipti kóp aqparat bolsa da ońaı qabyldaı alady. Qatysýshylar aýdıony vızýaldy qatarǵa túrlendirýdi, negizgi habarlamalardy bólýmen beınematerıaldardy ózgertýdi, kólemdi statıstıkalyq derekterden dınamıkalyq beıneler jasaýdy úırendi.
13 qarashada QAZFORUM-2020 aqtyq onlaın is-sharasy - AIX qarjy jónindegi basqarýshy dırektory Renat Bekturovpen vebınar ótti, ol qazaq tildi jýrnalısterge qor naryǵy týraly jazýdy qalaı bastaý kerek ekeniń, ózekti jáne senimdi aqparatty qaıdan alýǵa bolatynyń, sondaı-aq Qazaqstannyń qor naryǵy týraly biliminen qarjylyq paıdaǵa qalaı jetýge bolatyny týraly aıtyp berdi. Spıker atap ótkendeı, qor naryǵy qyzmetiniń negizgi qaǵıdattaryn túsiný jýrnalıster men blogerlerge ǵana emes, árbir qazaqstandyqqa da paıdaly.
Trenıngterge Qazaqstannyń qalalary men aýdandarynan: Qaraǵandy, Aqtóbe, Ekibastuz, Túrkistan, Shymkent, Qyzylorda, Nur-Sultan, Almaty jáne t. b. barlyǵy 130-dan astam jýrnalıst qatysty.
"QAZFORUM-2020 onlaın-trenıngtiń ótkizgen atalmysh tájirıbe sabaǵy búgingi tańda mýltımedıa salasynda bilikti ǵana emes, konvergentti maman bolýǵa umtylǵandarǵa, jan-jaqtylyqty bolýǵa talpyndarǵa, shyǵarmashylyq qyrlaryn shyńdaǵysy kelgen jandarǵa keremet praktıkalysh sabaq boldy", - dedi "Visual-jýrnalıstıka" trenınginiń qatysýshysy Aızere Orymbaı.
Keıbir jýrnalıster birneshe nemese barlyq trenıngterge qatysty. "Aldymen men qatysqan eki trenıngter joǵary deńgeıde ótti. О́zime qajet biraz dúnıege qanyqtym", - dep atap ótti qatysýshy Gúlzara Tóreǵalıeva.
Osylaısha, QAZFORUM-2020 onlaın-trenıngteri aıaqtaldy. Endigi forým kelesi jyldyń sáýir aıynda ótedi.