65 myńnan astam qazaqstandyq Coursera-da tegin kýrstardan ótýge ótinim berdi

Qazaqstandyqtardyń daǵdylaryn arttyrý boıynsha joba QR Eńbek jáne halyqty áleýmettik qorǵaý mınıstrligi men «Eńbek resýrstaryn damytý ortalyǵy» AQ-nyń Coursera tanymal onlaın-oqytý platformasymen yntymaqtastyǵynyń arqasynda iske asyrylýda. Kýrstardan ótýge ótinimderdi qabyldaý aǵymdaǵy jylǵy 14 jeltoqsanda aıaqtalady, oqytý 2021 jylǵy 15 aqpanǵa deıin óteýsiz negizde ótedi.

Tirkeý bastalǵannan beri 32 myń azamat oqýǵa kiristi. Olardyń ishinde 4,5 myń qatysýshy 2 jáne odan da kóp kýrstarda, 2,5 myń qatysýshy 3 kýrsta jáne 6,5 myń qatysýshy bir mezgilde 4 kýrsta oqýda. Orta eseppen bilim alýshylar oqýǵa aptasyna 2,5 kún jumsaıdy.

2 myńǵa jýyq adam oqýyn kem degende bir kýrs boıynsha aıaqtady. Coursera platformasynyń aqparaty boıynsha, 500-ge jýyq kýrs qazaqstandyqtardyń qyzyǵýshylyǵyn týdyrdy, olardyń ishinde kompıýterlik jáne statıstıkalyq baǵdarlamalaý daǵdylaryn, operasııalyq júıelerdi, matematıkalyq jáne kommýnıkasııalyq daǵdylardy, derekterdi taldaýdy jáne t. b. arttyrý boıynsha baǵyttardy bólip kórsetýge bolady.

Esterińizge sala keteıik, Coursera bilim berý platformasy álemniń jetekshi kompanııalary men ýnıversıtetterinen (GOOGLE, IBM, Facebook, Stanford University, Yale University, Johns Hopkins University, Princeton University jáne t.b.) 4 myńnan astam tegin kýrstardan ótýge biregeı múmkindik beredi. Atalǵan kýrstarda túrli daǵdylardy, sonyń ishinde matematıkalyq, kommýnıkatıvtik, kásipkerlik, baǵdarlamalaý, statıstıkalyq taldaý, derekterdi basqarý jáne kóshbasshylyq daǵdylaryn meńgerýge bolady. Kýrstardy sátti aıaqtaǵannan keıin bilim alýshylar sertıfıkat alady.

Aǵymdaǵy jylǵy 14 jeltoqsanǵa deıin https://www.enbek.kz/ru/free-coursera Elektrondyq eńbek bırjasy arqyly ótinim bergender jáne www.coursera.org platformasynda tirkelgenin rastaǵandar úshin Coursera alańynda oqytý kýrstary 2021 jylǵy 15 aqpanǵa deıin qoljetimdi.

Jarııalanǵan kúni

16 qarasha 2020

  Jańalyqtarǵa jazylý