Shyǵys Qazaqstan oblysynyń Altaı qalasy koronavırýs juqtyrǵandardyń sany kóbeıýine baılanysty karantınge jabyldy. Bul týraly ShQO Taýarlar men qyzmetterdiń sapasy men qaýipsizdigin baqylaý departamenti baspasóz qyzmeti málim etti, dep habarlaıdy Egemen.kz.
Departament málimetinshe, Altaı aýdandyq bas sanıtarlyq dárigeri mindetin atqarýshynyń qaýlysy 15 qarasha kúni kúshine engen. Qujatta Altaı qalasynan shyǵýǵa jáne kirýge tyıym salynǵany jáne sanıtarlyq posttardyń jumysyn qamtamasyz etý týraly jazylǵan.
Qaýly boıynsha kınoteatrlar, monshalar, saýnalar, basseınder, teatrlar, mádenı nysandar, kitaphanalar men mýzeılerdiń jumysyna tyıym salyndy.
Sondaı-aq mektepke deıingi mekemelerde jáne 1-4 synyptarda ata-analardyń ruqsatymen 15 baladan aspaıtyn kezekshi synyptardy qurý qajettigi jazylǵan.
Esterińizge sala keteıik, Shyǵys Qazaqstan oblysynda shekteý sharalary 25 qarashaǵa deıin uzartylǵan. Bul óńir koronavırýstyń taralý qarqyny boıynsha "qyzyl aımaqqa" enip otyr.