Elordada mobıldi toptar ShOB sýbektilerine reıdterdi jalǵastyryp, koronavırýs ınfeksııasynyń taralýyna jol bermeý sharalaryn ótkizýde. Polısııa departamenti atap ótkendeı, keıbir oıyn-saýyq mekemeleri men turǵyndar COVID-19 taralý qaýpi artqanyna qaramastan, erejelerdi elemeı keledi, dep habarlaıdy Egemen.kz qala ákiminiń baspasóz qyzmetine silteme jasap.
16 qarashada saǵat 00: 39-da mobıldi top Qwartet karaoke-barynda 40-qa jýyq kelýshi bolǵanyn anyqtady. 15 qarasha kúni saǵat 23.54-te Tequila laýndj-barynda 50-ge jýyq kelýshi bolǵan.
14 qarashada saǵat 22: 00-de "Zeıd" meıramhanasynda otbasylyq mereke ótip, 40-tan astam qonaq kelýshilerdiń biriniń 50 jyldyǵyn atap ótken.
Mekeme ıelerine qatysty jınalǵan materıal prosessýaldyq sheshim qabyldaý úshin Nur-Sultan qalasynyń taýarlar men qyzmetter sapasy men qaýipsizdigin baqylaý basqarmasyna jiberildi.
Jalpy alǵanda, 9 - 15 qarasha aralyǵynda karantındik sharalardyń saqtalýy boıynsha mobıldi toptardyń aralaýy kezinde Almaty aýdanynda 14, Baıqońyr aýdanynda - 7, Esil aýdanynda - 18; Saryarqa aýdanynda - 18 buzýshylyq anyqtaldy.
16 qarashadaǵy jaǵdaı boıynsha Nur-Sultan qalasynyń taýarlar men qyzmetter sapasy men qaýipsizdigin baqylaý komıtetiniń aýdandyq basqarmalaryna karantındi buzǵan adamdarǵa qatysty aýdandyqpolısııa basqarmalarynan 2043 materıal kelip túsken. Jalpy somasy 193 288 236 teńgeni quraıtyn 963 jeke jáne zańdy tulǵa ákimshilik jaýapkershilikke tartyldy.
Búgingi tańda jalpy somasy 151 324 915 teńgege 752 ákimshilik aıyppul tólendi.