Elordamyzdaǵy "Jas sarbaz" tárbıelenýshilerine "Jas sarbaz" qozǵalysynda bar ekenin rastaıtyn kýáligi tabystaldy. Is-shara Nur-Sultan qalasy ákimdiginiń "Jastar saıasaty basqarmasy", Nur-Sultan qalasy ákimdiginiń "Astana jastary" KMM, QR QK ulttyq áskerı-patrıottyq ortalyǵynyń qoldaýymen, onlaın formatta ótti, dep habarlaıdy Egemen.kz elorda ákiminiń baspasóz qyzmetine silteme jasap.
"Bıyl alǵashqy ret 30 mektep 10 kolledj tárbıelenýshilerine osy qujatty tabystadyq. Sharaǵa "Jas sarbaz" jasóspirimder áskerı-patrıottyq qozǵalysy RQB tóraǵasy Mendygalıev Meıirbek Orazuly, atalmysh oqý oryndarynyń basshylary jáne oqýshylary onlaın formatta qosyldy.
Jyl saıyn uıym qataryna 1000-ǵa jýyq "Jas sarbaz" tárbıelenýshisin qatarymyzǵa qabyldap otyramyz. Biz árbir qatarymyzǵa qabyldanǵan oqýshymen tyǵyz jumys atqaramyz", – dedi "Jas sarbaz" jasóspirimder áskerı-patrıottyq qozǵalysy Respýblıkalyq qoǵamdyq birlestigi Nur-Sultan qalalyq fılıalynyń tóraǵasy Nalshybek Ashat Baǵdatuly.
Eske sala keteıik, "Jas sarbaz" jasóspirimder áskerı-patrıottyq uıymy osydan eki jyl buryn Elbasy N.Á. Nazarbaevtyń bastamasymen aıbyndy jastardyń basyn biriktirý úshin qurylǵan bolatyn.
Búginde Respýblıka boıynsha "Jas sarbaz" tárbıelenýshileriniń sany 200 myńǵa jýyqtap otyr.
Jyl saıyn tárbıelenýshilerge arnalǵan áskerı qoldanbaly sport túrlerinen, shyǵarmashylyq, sporttyq saıystar, kezdesýler, áskerı-patrıottyq jıyndar, erlik sabaqtary ótedi.