2020 jylǵy 16-qarashadan bastap iQala portaly taǵy 5 qyzmetpen tolyqtyryldy, dep habarlaıdy Egemen.kz elorda ákiminiń baspasóz qyzmetine silteme jasap.
Búgin elorda turǵyndary iQala ortalyǵynyń keńsesi men portalynda kelesi uıymdardyń qyzmetterin ala alady:
"Astanaenergosbyt" JShS:
1) zańdy tulǵalarǵa (onyń ishinde JK qurmaǵan jeke tulǵalarǵa) arnalǵan turmystyq emes tutyný úshin jylý energııasymen jabdyqtaý boıynsha qyzmetter kórsetýge arnalǵan sharttyń qoldanylý merzimin uzartý týraly qosymsha kelisim jasasý;
2) elektr energııasyn turmystyq emes muqtajdar úshin paıdalanatyn tutynýshylarǵa (onyń ishinde JK qurmaǵan jeke tulǵalarǵa) arnalǵan elektrmen jabdyqtaý shartynyń qoldanylý merzimin uzartý týraly qosymsha kelisim jasasý;
"Astana-AEK" AQ:
1) tutynýshynyń ótinimi boıynsha esepke alý júıesin tekserýge, kórsetkishterdi alýǵa jáne esepke alý júıesin plombalaýǵa ótinimder qabyldaý;
"Astana Sý Arnasy" MKK:
1) jeke tulǵalar úshin qyzmet kórsetý shekarasyna, sýmen jabdyqtaý jáne káriz jelileriniń jaı-kúıine jaýapkershilikti belgileýge akti berý;
2) zańdy tulǵalar úshin qyzmet kórsetý shekarasyna, sýmen jabdyqtaý jáne káriz jelileriniń jaı-kúıine jaýapkershilikti belgileýge akti berý.
Búgingi tańda Ortalyq jeke jáne zańdy tulǵalarǵa 137 qyzmet túrin usynady, qoldanýshylarǵa yńǵaıly bolýy úshin qoljetimdi qyzmetter tizimi www.iqala.kz portalynyń basty betinde ornalastyrylǵan.
Eske sala keteıik, iQala ortalyǵy "Astana - adaldyq alańy" jobasy aıasynda Nur-Sultan qalasynyń ákimdiginiń bastamasymen quryldy.
Ortalyqtyń front-keńsesi Qoshqarbaev dańǵyly, 29 mekenjaıynda ornalasqan. Qala turǵyndary iQala-nyń jumysyna qatysty týyndaǵan barlyq suraqtar boıynsha 109 biryńǵaı baılanys ortalyǵynyń (i-Komek) telefonyna habarlasa alady.