Mańǵystaýda 16 qarashadaǵy jaǵdaıǵa sáıkes, I-II deńgeıli ınfeksııalyq stasıonarlarda 83 adam em qabyldap jatyr, dep habarlaıdy Egemen.kz oblys ákiminiń baspasóz qyzmetine silteme jasap.
Oblystyń densaýlyq saqtaý basqarmasynyń málimetinshe, sol 83 naýqastyń ishinde 4-nde koronavırýsqa tapsyrǵan synama oń nátıje kórsetken.
Qazirgi ýaqytta orta dárejeli jaǵdaıda 73, jaǵdaıy aýyr halde 9 naýqas, óte aýyr hálde 1 naýqas bar.
Bul bólimge túskenderdiń nasharlaýyna jedel tynys jetispeýshiligi jáne ilespe aýrýlardyń bolýy sebep.
Búginde aımaqtyń oqshaýlaý oryndaryndaǵy tósek-oryn júktemesi 25 paıyzdy quraıdy.
Oblys kóleminde 335 ınfeksııalyq I-II satyly tósek oryn bar. Sondaı-aq, reanımasııalyq tósek sany 43.
Anyqtamasyz shetelden kelgen Qazaqstan Respýblıkasynyń azamattary men shetel azamattaryna arnalǵan karantındik stasıonarlarda barlyǵy 270 tósek oryn bar.