Elimizde 1411 baılanys ortalyǵy bıyl mıllıonǵa jýyq áleýmettik keńes berdi dep habarlaıdy Egemen.kz. «Azamattarǵa arnalǵan úkimettiń» onlaın qyzmetteri batysqazaqstandyqtar arasynda erekshe tanymal.
«Azamattarǵa arnalǵan úkimettiń» áleýmettik-eńbek salasy boıynsha qyzmet kórsetetin 1411 biryńǵaı baılanys ortalyǵyna eń kóp qoıylǵan saýal – 42 500 teńge áleýmettik tólemine baılanysty bolypty. Bul suraqpen habarlasqandar sany 400 myńnan asqan. Zeınetaqy jáne áleýmettik qamsyzdandyrýǵa qatysty 356 myńnan astam turǵyn, áleýmettik mekenjaı kómegi týraly 50 myńnan astam adam telefon shalǵan.
Al Batys Qazaqstan oblysynda da «Azamattarǵa arnalǵan úkimet» áleýmettik blogynyń onlaın qyzmetterine turǵyndar jıi júginedi eken. Máselen balanyń týýy men bir jasqa deıingi kútimine qatysty járdemaqy taǵaıyndaý úshin – 9908 adam, bir jasqa deıingi bala kútimine oraı tabysynan aırylǵan jaǵdaıda taǵaıyndalatyn áleýmettik tólem jóninde – 8225, júktilikke jáne bosanýǵa baılanysty áleýmettik tólem haqynda – 5598 batysqazaqstandyq baılanys ortalyǵyna habarlasqan.
Batys Qazaqstan