17 qarasha kúni tańǵy saǵat 9:10 shamasynda jol-kólik oqıǵasy saldarynan 10 jasar bala kóz jumdy dep habarlaıdy Egemen.kz
Máskeý kóshesinde jas balany kólikpen qaǵyp ketken – 1998 jyly týǵan áıel adam eken. 10 jasar er bala aýyr halde Oral qalalyq kópbeıindi aýrýhanaǵa jetkizilgen edi. Biraq alǵan jaraqaty saldarynan aýrýhananyń jan saqtaý bóliminde kóz jumǵan.
«Bul fakti boıynsha Qylmystyq kodekstiń 345-babyna sáıkes tergep, tekserý bastaldy» dedi Batys Qazaqstan oblystyq Polısııa Departamentiniń resmı ókili Bolatbek Belgibekov.
«Bala aýyr jaralanǵan – ashyq bas-mı jaraqatymen aýrýhanaǵa jedel jetkizilgenimen dárigerler onyń ómirin saqtap qala almady» dedi oblystyq densaýlyq saqtaý basqarmasy baspasóz qyzmetiniń jetekshisi Sáýle Zaǵıdýllına.
Batys Qazaqstan