Stýdentter sóz qaǵystyrdy

Aıtysty ashyp bergen Abaı atyndaǵy QazUPÝ rekto­ry, aıtys janashyry Takır Balyqbaev Orazalynyń shyǵar­mashylyǵyn nasıhattaý maqsa­tyn­da uıymdastyrylǵan barlyq sharaǵa qoldaý kórsetetin jáne aldaǵy jyly jyr alyby Jam­byl Jabaevtyń 175 jyl­dy­ǵy­­na oraı halyqaralyq stýdentter aı­tysyn ótkizýdi josparlap otyr­ǵa­nyn aıtty.

Sharanyń basynda sóz alǵan Qazaqstannyń Eńbek sińirgen qaıratkeri, aqyn Júrsin Erman tól óneri­miz­ge qoldaý kórsetip otyr­ǵan ýnıversıtet rektory bastaǵan ujymǵa alǵysyn aıtyp, jas sha­ıyrlarǵa batasyn berdi. On­laın aıtystyń barysynda atalǵan oqý ordasynyń baspasynan shyqqan ýnıversıtet jas­ta­rynyń «Kóktem ǵumyr» atty jyr-jınaǵynyń tusaýy ke­sil­di. Aıtystyń alǵashqy ju­by bolyp aıtysqan Qaınar akade­mııasynyń stýdenti Rasýl Saýytbek pen Abaı atyndaǵy QazUPÝ-dyń birinshi kýrs stýdenti Altynaı Qanapııa zalǵa kelip qyz ben jigit aıtysynyń tamasha úlgi­sin kórsetti. Qalǵan tórt jup onlaın rejiminde sóz qa­ǵys­tyr­dy.

Jas aıtys­­ker­lerge «Aı­tys aqyn­­­dary men jyrshy-terme­shiler halyqaralyq odaǵy» RQB Basqarma tóraǵasy aqyn Júrsin Erman, «Ana tili» gaze­tiniń bas redaktory aqyn Janarbek Áshimjan, «Baldyrǵan» jýrna­ly­nyń bas redaktory Dúısen Músiráli, halyq­aralyq, res­pýb­lıkalyq aıtys­tardyń júl­de­ge­ri aqyn Serik Qalıev, Abaı atyndaǵy QazUPÝ professory, fılologııa ǵylymdarynyń dok­tory Temirhan Tebegenov qa­tar­ly sóz ustalary qazylyq etti.

Jyr báıgesinde daralanyp alǵa shyqqan Ál-Farabı atyn­da­ǵy Qazaq ulttyq ýnıver­sı­tetiniń stýdenti Nurbol Jaýyn­baev Bas júldeni jeńip aldy. (100 000 teńge). Qyz ben jigit aıtysynyń tamasha úlgisin kórsetken Abaı atyndaǵy QazUPÝ stýdenti Altynaı Qanapııa birinshi oryn ıelense (80 000 teńge), Qaınar Akademııasyń stýdenti Rasýl Saýytbekke ekinshi oryn (60 000 teńge), T.Júrgenov atyndaǵy óner akademııasynyń stýdenti Janarys Tileýbekke jáne Abaı atyndaǵy QazUPÝ stý­den­ti Danııar Nysan­ǵalıevke úshinshi oryn júl­desi berildi. Sondaı-aq Ál-Farabı atyndaǵy Qazaq ulttyq ýnıversıtetiniń stýdenti talantty aqyn Bekjan Bazarbekke arnaıy júlde tabys­tal­dy. Aıtysqa qatysqan barlyq aqyn rektordyń Alǵyshatymen jáne aqshalaı syıaqymen marapattaldy.

Sharany uıymdastyrýshylar aıtysqa aqparattyq qoldaý kór­set­ken «Qazaq radıolary» JShS Almaty stýdııasynyń jetekshisi Baqyt Jaǵyparovqa jáne «Ana tili» gazetiniń bas redaktory Janarbek Áshimjanǵa alǵysyn bildirdi.