18 qarashada NATO PA-nyń jylsaıynǵy 66-shy sessııasy óz jumysyn bastady, dep habarlaıdy Egemen.kz Parlament Senatynyń baspasóz qyzmetine silteme jasap.
Oǵan Qazaqstan Respýblıkasy Parlamenti Senatynyń atynan depýtat Nurjan Nursıpatov baıqaýshy retinde qatysady.
Odaqqa múshe 30 memleket pen seriktes elderden 200-den astam parlament músheleri alty kún boıy koronavırýs pandemııasynyń qateri, NATO-nyń bolashaǵy, Qytaıdyń álem kúshteriniń tepe-teńdigine áseri, Qara teńiz, Balqan jáne Parsy shyǵanaǵy aımaqtaryndaǵy qaýipsizdik jaǵdaıy, sondaı-aq qorǵanys ınnovasııalary jáne energetıkalyq qaýipsizdigine baılanysty máselelerdi talqylaıdy.
Sharaǵa zań shyǵarýshylardan basqa NATO-nyń Bas hatshysy I.Stoltenberg, uıymnyń joǵary laýazymdy tulǵalary jáne qorǵanys jáne qaýipsizdik salasyndaǵy sarapshylar qatysady.