Atyraýda Abaıdyń 175 jyldyǵyna arnalǵan "Qaıran elim qazaǵym.." atty respýblıkalyq aqyndar aıtysynyń bas júldesin "Egemen Qazaqstan" gazetiniń tilshisi, aıtysker aqyn Raýan Qaıdar ıelendi, dep habarlaıdy Egemen.kz.
Eki kúnge sozylǵan aıtysqa elimizdiń ár óńirinen 24 aqyn qatysty.Aqyndar aıtysyna Qazaqstannyń Eńbek Eri Asanáli Áshimov bastaǵan qazylar alqasy tórelik etti. Aqyndar Abaı ulaǵatynan syr tartyp, qazirgi qoǵamnyń damý úderisin, qordalanǵan máselerdi ortaǵa saldy. Jeńge men qaıny arasyndaǵy ádemi ázildiń aıtysyn jasady. Qazylar alqasy aqyndardyń sóz saıysyn, kórkem oıyn, sóz saptaýyn saralap, bas júldege 24 aıtyskerdiń arasynan top jarǵan "Egemen Qazaqstan" gazetiniń tilshisi Raýan Qaıdardy laıyq dep tapty.
Atyraý oblysy