Almatydaǵy «Dostyq» sport kesheninde ótken erkin kúresten Qazaqstan chempıonaty óz máresine jetti, dep habarlaıdy Egemen.kz.
92 jáne 125 kılo salmaq dárejelerindegi beldesýlerdiń nátıjeleri mynadaı boldy:
92 kılo salmaq dárejesinde mańǵystaýlyq Elhan Asadovtyń asyǵy alshysynan tústi. Fınalda ol Nur-Sultannyń balýany Eraly Abdrashevten aılasyn asyrdy. Úshinshi orynda – óskemendik Shámıl Magamadov pen elordalyq Nurǵalı Nurǵaıypuly.
125 kılo salmaqta pavlodarlyq Dáýlet Shabanbaı, shyǵysqazaqstandyq Oleg Boltın, qaraǵandylyq Ermuhambet Ińkár jáne aqtóbelik Iýsýp Batyrmurzaev syndy alyptar boldy. Olardyń barlyǵy da asa iri halyqaralyq jarystarda júlde alyp júrgen dúldúlder. Solardyń arasynan Dáýlet pen Oleg ozyp shyqty. 37 jastaǵy Shabanbaıdyń kezinde Olımpıadada qola medaldi ıelenip, Azııa oıyndarynda bir ret jáne qurlyq birinshiliginde bes ret júldegerler sanatynan kóringenin jankúıerler jaqsy biledi. Boltın odan on jas kishi. Bul tartys jas jolbarystyń paıdasyna sheshildi. Oleg Boltın – altyn, Dáýlet Shabanbaı – kúmis jáne Iýsýp Batyrmurzaev pen túrkistandyq Baqdáýlet О́serbaı – qola medaldardy moıyndaryna ildi.