Qaraǵandyda turatyn qolóner sheberi Ǵabıt Qanatbaev О́zbekstannyń Úshqudyq aýdanynan osydan on jeti jyl buryn kóship kelgen. О́ziniń negizgi mamandyǵy – ken ınjeneri. Almatydaǵy polıtehnıkalyq ınstıtýtta oqyp, joǵary bilim alǵan. Alataýdyń baýraıynda bolashaq jaryn jolyqtyryp, stýdent kezinde otaý qurypty. Kelinshegi ol kezde Almatydaǵy saýda tehnıkýmynda oqyǵan eken.
Dıplomyn alǵannan soń, О́zbekstanǵa, týǵan aýylyna oralǵan. Jergilikti ken baıytý kombınatynda mamandyǵy boıynsha jumysqa turypty. Birinen soń biri dúnıege kelgen eki qyz, bir uldy aıaǵynan turǵyzý úshin óndiristiń aýyr jumysynda jan aıamaı eńbek etken.
Al Arqa tósine qonys aýdarǵannan keıin, ata kásipti qolǵa alǵan. Zady, ol bul ónermen jasynan aınalysypty. Atadan daryǵan kásip eken.
Búginde sheberdiń kenshiler astanasyndaǵy «Oımaq» atty otbasylyq sheberhanasy aıaǵynan nyq turǵan. «Qaraǵandy qalasynda ulttyq buıymdar satatyn dúkenimiz bar. Munda kıizden, qaıystan, teriden, aǵashtan, temirden jasalǵan ulttyq naqyshtaǵy buıymdarymyz satylady. Tórt qanattydan on alty qanattyqqa deıingi aralyqtaǵy kıiz úılerdi jasaımyz. Onyń ishki qural-jabdyqtaryn áıelim jáne qyzdarym daıyndaıdy», deıdi sheber.
«Oımaq» sheberhanasynda jasalǵan kıiz úıler elimizdiń barlyq óńirine, sonymen qatar álemniń onnan asa memleketine satylǵan eken. Al osy istiń uıytqysy bolyp júrgen Ǵabıt Qanatbaev aldaǵy ýaqytta qazaq halqynyń úı jıhazdaryna qatysty jańa úlgilerin jasaýdy oılastyryp júr.
Qazirgi ýaqytta qoly altyn hám isker jan qurǵan sheberhana qanatyn keńge jaıǵan. Maıqudyqtaǵy tigin sehynda alty sheber eńbek etedi, bul iske zaıyby bas-kóz bolyp júr. Al balasy Altaı janyna úsh jigitti alyp, ulttyq naqyshtaǵy túrli buıymdar jasaýmen aınalysady.
Qaraǵandy oblysy