Uly dalanyń mádenı jaýharlary

Bul mańyzdy is-sharany Ulttyq mýzeı Nur-Sultan qalasy boıynsha «Rýhanı jańǵyrý» jobalyq keńsesimen birlesip, Mádenıet jáne sport mınıstrligi, Nur-Sultan qala­sy jáne Shyǵys Qazaqstan oblysy ákim­dikteriniń qoldaýymen uıymdastyrdy.

Saltanatty sharada betashar sózdi Ulttyq mýzeı dırektory Arystanbek Muhamedıuly sóıledi.

«Ulttyq mýzeıimiz «Uly dalanyń ejelgi óneri men tehnologııalary» zalyn jasaqtaý maqsatynda keshendi ǵyly­mı-zertteý jumystaryn júrgiz­gen bolatyn. Atap aıtqanda, «Altyn adam», «Taqsaı hanshaıymy», «Úrjar hanshaıymy» sııaqty áıgili tarıhı eskertkishter zerttelip, Esik, Berel, Taldy, Taqsaı, Eleke sazy jáne taǵy basqa qorǵandardan tabylǵan jádigerler qaıtadan qal­pyna keltirildi. Munyń barlyǵy ult­tyq tarıhymyz ben máde­nıetimizdi jańǵyrtý úshin jasalyp otyr», dedi A.Muhamedıuly.

Jıyn barysynda Aqparat jáne qoǵamdyq damý mınıstrligi «Rýha­nı jańǵyrý» baǵytyn úılestirý depar­tamentiniń jetekshisi Nurlan Kún­týov, tarıh ǵylymdarynyń doktory, pro­fessor Zaınolla Samashev, Nur-Sul­tan qalasy boıynsha «Rýhanı jań­ǵyrý» jobalyq keńsesiniń dırektory Aqerke Jumanbaeva quttyqtaý sóz sóılep, Uly dala órkenıetiniń mádenı jáne rýhanı muralaryn saralap, olar­dyń búgingi urpaq úshin mańyzyn atap ótti.

Zal ekspozısııasynda kópshilikke Esik, Berel, Taldy, Taqsaı jáne ta­ǵy bas­qa qorǵan­dardan tabylǵan, «ań stılin­de» oryndalǵan skıf-saq kezeńiniń biregeı altyn buıymdary usynyldy. Sonymen qatar Shyǵys Qazaqstan oblystyq tarıhı-ólke­taný mýzeıi qo­ryndaǵy altyn buıym­dar kórmesi qosa ekspozısııalandy. Bul 2019-2020 jyldary Shyǵys Qazaq­stan oblysy Tarbaǵataı aýdanynyń Eleke-Sazy qorymynan belgili qazaqstandyq arheologter Z.Sa­mashev pen A.Tóleý­baev tap­qan, IV-V ǵasyrlarǵa jatatyn bire­geı arheo­logııalyq oljalar bolyp tabylady.

Zaldyń ashylý saltanatyna memleket jáne qoǵam qaıratkerleri, belgili ǵalymdar, tarıhshylar men arheologter qatysty.