Aýyr atletıkadan onlaın-formatta ótip jatqan Qazaqstan chempıonatyna taǵy birneshe salmaq dárejesi boıynsha jeńimpazdar men júldegerler anyqtaldy, - dep habarlaıdy Egemen.kz
Áıelder arasynda 45 kılo salmaqta taldyqorǵandyq Álfııa Garıfýllına ozsa, 49 kılo salmaqta jambyldyq Aınur Ábdihalyqovaǵa teń keler eshkim tabylmady. 55 kılo salmaq dárejesinde Soltústik Qazaqstan oblysynyń ókili Alına Kolıýshko altynnan alqa taǵyndy.
Al 59 kılo salmaqta Zúlfııa Chınshanlo aldyna jan salmady. Álemniń úsh dúrkin chempıony aıtýly jarysta 212 (91+121) kılolyq ziltemirdi tik kóterdi. Ol kúmis medaldi ıelengen Mahabbat Serikbolqyzynan baqandaı 44 kılo artyq salmaqty eńserdi. Bul sportshylardyń ekeýi de Almaty oblysynan. Qyzylordalyq Aıajan Nurjan qola medaldi ıelendi.
Erler saıysynda 61 kılo salmaqta Alekseı Drozdov dara shyqty. Taldyqorǵandyq tastúlektiń kórsetkishi – 269 (122+147) kılo. Ekinshi jáne úshinshi oryndardy Aleksandr Shpeht (Soltústik Qazaqstan) pen Azamat Tólegen (Qyzylorda) enshiledi.