Qurmanǵazy aýdanynyń polısııa qyzmetkerleri reseılik turǵynnyń eki eldiń azamattyǵymen júrgenin anyqtady, dep habarlaıdy Egemen.kz.
"Burynǵy atyraýlyq 1999 jyly otbasylyq jaǵdaıyna baılanysty Reseı Federasııasyna kóship ketken. Ol 2000 jyly sol eldiń azamattyǵyn qabyldaǵan. Biraq bul týraly tıisti oryndarǵa habarlamaǵan", dep málim etti oblystyq polısııa departamentiniń baspasóz qyzmetinen.
Qazaqstan Respýblıkasy men Reseı Federasııasynyń tólqujattarymen júrgen bul azamatqa qatysty Qurmanǵazy aýdany polısııa qyzmetkerlerimen QR Ákimshilik quqyqbuzýshylyq týraly Kodeksiniń 496-babynyń 2-bóligimen (Shetel azamattyǵyn alý faktisin habarlamaý) ákimshilik hattama toltyryldy. Jınaqtalǵan qujattar Qurmanǵazy aýdandyq sotyna joldanyp, 200 aılyq eseptik kórsetkish mólsherinde aıyppul salyndy.