Indetpen kúreske stýdentter tartyldy

О́skemen, Rıdder jáne She­monaıha aýdanynyń ınfek­sııalyq stasıonarlarynda 19 qarashadan bas­tap jumys to­by­nyń qura­myna «Semeı mem­lekettik ýnı­versıtetiniń» balalar ınfeksııalyq aýrýlar kafe­drasynyń meńgerýshisi, jo­ǵary sanatty dáriger Imdat Efendıev pen anestezıologııa, reanımatologııa jáne nar­­kologııa kafedrasynyń as­sıs­tenti Dáýlet Tókenov aralas­ty. Olar pasıentterdiń jaǵ­daıyna taldaý jasaýdy qolǵa alǵan. Sonymen qatar 19 qara­shadan bastap mobıldi brı­gadalardyń qu­ramyna, koronavırýs ınfek­sııasynyń taralýyn boldyrmaý jónindegi or­talyqqa atalǵan oqý oryn­nyń 30 dáriger-ınterni tartyldy.

Koronavırýs ınfeksııa­symen kúres Densaýlyq saq­taý basqarmasy men ShQO taýarlar men qyzmetterdiń sapasy men qaýipsizdigin baqylaý de­par­tamentiniń mamandarymen birlesip júrgizilip jatyr. Buǵan deıin bul jumysqa О́skemen fılıalynyń 10 qyzmetkeri men stýdentteri tartylǵan edi.

Sondaı-aq ýnıversıtettiń bes kafedrasy COVID-19 in­detin juqtyrǵan naýqas­tar arasyndaǵy ólim jaǵ­daıy­na taldaý júrgizdi. Tal­daý ju­­mystary Shyǵys Qazaq­stan jáne Pavlodar oblys­ta­ry­nyń densaýlyq saqtaý bas­qar­malarymen tyǵyz baılanys­ta atqarylyp jatyr. Qazirgi ýa­qytta ınfeksııany anyqtaý men aldyn alý baǵytyndaǵy jumystarǵa joǵary oqý oryn­darynyń 144 qyzmetkeri men stýdentteri, professor-oqy­týshylar, ınternatýra stý­dentteri, rezıdentter, magıs­tranttar men doktoranttar ju­myl­dyrylǵan.

Dendep turǵan dertti aýyz­dyqtaý úshin dári-dármekter men jeke qorǵanys qu­ral­darynyń turaqtandyrý qory da qurylǵan. Emdeýdiń tıimdiligi úshin koronavırýs ınfeksııasynyń jeńil jáne ortasha aýyrlyǵy bar 6 200 naýqasty dá­ri-dármekpen qamtamasyz etý esebinen «favıpıravır» preparaty satyp alyndy. Preparat 12 qarashadan bastap pa­sıent­terdiń keli­si­mimen oblystyń aýrýhanalarynda qoldanysqa engen.

Shyǵys Qazaqstan oblysy