Gazdy paıdalaný talaptary

Qaza bolýdyń negizgi sebep­teri turmystyq gaz qurylǵy­laryn paıdalaný kezinde órt qaýipsizdigi talaptarynyń bu­zylýy, tútin jáne jeldetý ar­nalarynyń tartpaýy, gaz jab­dyǵynyń tútin arnasymen jal­ǵastyrýshy qubyrlary germe­tı­kalyǵynyń nasharlaýy, japqyshty jabý, aqaýy bar pesh­ter men gaz qazandyǵyn paıdalaný, úı-jaılardy jylytý úshin gaz plıtalaryn paıdalaný bolyp tabylady.

Tótenshe jaǵdaılar mınıs­trligi turmysta gaz jabdyqtaryn paıdalaný qaýipsizdigi boıynsha negizgi talaptardy eske salady.

Gazben jabdyqtaý júıeleri obektileriniń qaýipsizdigi jó­nindegi talaptarǵa sáıkes gaz tol­tyrylǵan ballondardy saqtaýǵa arnalǵan qoımalar jeńil úlgidegi jabyndary bar bir qabatty úı-jaılarda saqtalýy tıis.

Gaz ballondardy saqtaýǵa arnalǵan qoımalardyń qabyr­ǵalary, ara­lyqtary, jabyndary otqa tózimdiliktiń II dáre­jesinen tó­men emes janbaıtyn materıaldardan jasalyp, te­rezeleri men esikteri syrtqa qa­raı ashylatyn bolýy kerek.

Turmystyq gaz aspaptaryn paıdalaný kezinde jıhazdy jáne basqa janǵysh materıaldardy ornalastyrý jaqyn jerdegi vertıkal qabatqa deıin kóldeneńinen keminde 0,2 m jáne osy buıymdarǵa jaqyn jerde ilingen kóldeneń qabattyń ústine deıin tiginen keminde 0,7 m qashyqtyqta bolýy qajet.

Turmystyq gaz aspapta­ryn (onyń ishinde ashana plı­talaryn, sý jylytatyn qa­zandardy, gaz munaralaryn) gaz­ben jabdyqtaýǵa arnalǵan gaz ballondary (jumys jáne qosalqy) ǵımarattardan tys japsarlas salynǵan úılerde nemese ǵımaratqa, sokoldik jáne jertóle qabattaryna ki­re­tin jerlerden keminde 5 m qa­­shyqtyqtaǵy qabyrǵanyń tuıyq aralyq qabyrǵasynda janbaıtyn materıaldardan jasalǵan shkaftarda ornalastyrylýy tıis.

Gaz ballondaryna arnalǵan japsarlas salynǵan qurylystar men shkaftar qulyptalyp jáne jeldetý úshin jalıýzımen, son­daı-aq «Otqa qaýipti. Gazy bar ballondar» degen eskertý jazýymen qamtamasyz etilgeni jón.

Ornatylǵan tabandyqtary bar toltyrylǵan ballondar tik qalpynda, ta­ban­­dyqtary joq ballon­dar kól­deneńinen aǵash jıekte­me­lerde nemese só­relerde kól­de­neń qalpynda saq­tala­dy. Bal­londardy qulaý­dan saq­tan­dyrý úshin olar jab­dyqtalǵan uıa­larǵa, torshalarǵa qoıylady nemese bógetpen qor­shalady.

Ashyq alańdarda saqtaǵanda tabandyqtary bar ballondardy kóldeneń qatarlar arasyna arqannan, qyrly bórenelerden nemese rezeńkeden jasalǵan tó­sem­men qatar-qatar qoıý kerek.

Ballondardy qatar-qatar qoı­ǵan kezde sońǵylarynyń bıik­tigi 1,5 metrden astam bolma­ýy tıis.

Tótenshe jaǵdaılar mınıs­trligi azamattardy gaz ballon­dardy paıdalaný jáne órt qa­ýipsizdigi qaǵıdalaryn saqtaýǵa shaqyrady.