Beıjińde "12th China Overseas Investment Fair" sheńberinde Indýstrııalyq-ınvestısııalyq yntymaqtastyqtyń úshinshi Qazaqstan-Qytaı forýmy ótti. Is-sharany "China Overseas Development Association" jáne "KAZAKH INVEST" UK" AQ uıymdastyrdy, dep habarlaıdy Egemen.kz
Is-sharaǵa 200-den astam qazaqstandyq jáne qytaılyq memlekettik jáne kvazımemlekettik organdardyń ókilderi, sondaı-aq eki eldiń bıznes-qoǵamdastyǵynyń músheleri qatysty.
Forýmdy ashqan QR Syrtqy ister mınıstriniń orynbasary Almas Aıdarov búgingi tańda eki el arasyndaǵy saýda-ekonomıkalyq jáne ınvestısııalyq qatynastardyń qarqyndy damyp kele jatqanyn atap ótti. Pandemııanyń Qazaqstan ekonomıkasyna teris áserin azaıtý maqsatynda el basshylyǵy jańa ınvestısııalyq quraldar qurý týraly sheshim qabyldady. Sondaı-aq, Memleket basshysy ınvestısııalyq tartymdylyqty arttyrýǵa, memlekettik saıasattardyń transparenttiligi men boljamdylyǵyn qamtamasyz etýge baǵyttalǵan eleýli ózgerister men reformalardyń qajettigin atap ótti.
"Qazirgi ýaqytta Prezıdent Qasym-Jomart Toqaevtyń tapsyrmasy boıynsha strategııalyq ınvestısııalyq kelisim túrinde iri ınvestorlardy qoldaýdyń qosymsha quralyn engizý boıynsha jumystar júrgizilýde. Osy kelisim ınvestorlarǵa salyqtyq preferensııalar, jeńildikti qarjylandyrý, memleket tarapynan kepildik berilgen satyp alý, sondaı-aq eksporttyq qoldaý túrinde memlekettik qoldaý sharalarynyń keshendi paketin usynady. Zańnama turaqtylyǵynyń kepildikteri men salalyq preferensııalardyń bolýyn atap ótý mańyzdy", dedi A.Aıdarov.
Pandemııa jaǵdaıynda jumystardy qaıta bastaýǵa jáne QR men QHR arasyndaǵy ınvestısııalyq yntymaqtastyq áleýetine arnalǵan paneldik sessııa sheńberinde Qazaqstannyń ınvestısııalyq múmkindikteriniń tusaýkeserin "KAZAKH INVEST" UK" AQ Basqarma tóraǵasy Baýyrjan Sartbaev jasady.
"Pandemııaǵa qaramastan biz jumys formatyn ýaqytyly qaıta qura aldyq. Pandemııa shyńy kezeńinde ınvestorlardyń iskerlik belsendiliginiń tómendeýine baılanysty biz jumystyń fokýsyn joǵary pysyqtalǵan jobalardy qoldaýǵa baǵyttadyq. Qurylys-montaj jumystaryn bastaý, shetelden zamanaýı jabdyqtardy ákelý, sondaı-aq jumys istep turǵan kásiporyndardyń jumysyn qaıta bastaý máseleleri jedel sheshildi. Zamanaýı sıfrlyq tehnologııalardyń kómegimen zaýytty qashyqtyqtan iske qosý-jóndeý jumystaryn júrgizýdiń alǵysharttary bar. Búginde KAZAKH INVEST sheteldik bıznespen qarqyndy baılanys ornatyp otyr. Jobalarmen jumys isteıtin kompanııalarmen únemi beınekonferensııalar ótkizilip turady. Sonymen qatar, biz suranystardyń barlyq túrleri úshin 24/7 jedel jelisin engizdik", dep atap ótti B. Sartbaev
Sonymen qatar, AHQO-nyń QHR-daǵy ókili T.Malıkov qatysýshylarǵa AHQO alańy usynatyn QR men Ortalyq Azııada bıznes júrgizýdiń biregeı sharttaryn tanystyrdy.
Sondaı-aq forýmda "China Overseas Development Association" prezıdenti Hý Veıpın, QHR damý jáne reformalar jónindegi memlekettik komıtetiniń sheteldik ınvestısııalar departamenti dırektorynyń orynbasary Chjen Chjıpın, China Power International Holding, China Tianchen Engineering Corporation, Universal Energy, China International Investment Management Consulting, General China Insurance, PICC, China Credit Insurance, China Nonferrous Metal, Gezhouba Overseas investment kompanııalardyń basshylary sóz sóıledi.
Is-shara barysynda pandemııa kezeńinde ınvestısııalyq jobalardy iske asyrý boıynsha ózara is-qımyl máseleleri, ınvestısııalyq yntymaqtastyqtyń perspektıvalary, qazirgi ýaqytta birlesken ınvestısııalyq jobalardy iske asyrý kezinde eki eldiń kompanııalary tap bolýy múmkin táýekelder jáne olardy eńserý joldary talqylandy.
Aıta ketý kerek, búgingi tańda 25 myńnan astam jumys ornyn qura otyryp, $24,7 mlrd somasyna Qazaqstan-Qytaı jobalary ártúrli pysyqtaý satysynda tur. $4 mlrd-qa 16 joba iske asyryldy. Olardyń qatarynda avtomobılder men elektrokarlar óndirisi, raps maıyn óndirý jáne jalpy qýattylyǵy 180 MVt bolatyn 3 kún elektr stansııasy bar. Sonymen qatar, kelesi jyly AО́K, TMK, ınfraqurylym, jeńil jáne tamaq ónerkásibi salalarynda birqatar jobany paıdalanýǵa berý josparlanyp otyr.
"China Overseas Investment Fair" Pekın qalasynda ótkiziletin jyl saıynǵy ınvestısııalyq forým. Is-shara QHR damý jáne reformalar jónindegi memlekettik komıtetiniń tapsyrysy boıynsha ótkiziledi, uıymdastyrýshylar "China Overseas Development Association". Jyl saıyn forýmǵa 500-den astam bıznes ókilderi qatysady.