Qazaqstan Prezıdentine Pavlodar oblysyndaǵy bıylǵy jyldyń 10 aıynda atqarylǵan jumystardyń qorytyndysy jaıynda baıandaldy. О́ńirdiń áleýmettik-ekonomıkalyq damýynda oń dınamıka baıqalady.
Oblys ákiminiń aıtýynsha, «Jumyspen qamtý» Jol kartasy sheńberinde 227 joba iske asqan. Búginde onyń 77 paıyzy tolyq aıaqtalǵan. Qalǵan 23 paıyzyn jyl sońyna deıin aıaqtaý josparlanǵan.
Ábilqaıyr Sqaqov óńirdegi densaýlyq saqtaý salasy boıynsha júzege asyrylǵan jumystar jaıynda aıtty. Onyń ishinde, koronavırýs pandemııasyn aýyzdyqtaýǵa qatysty qabyldaǵan sharalardy atap ótti. Aımaq basshysy búginde jaǵdaı kúrdeli bolǵanymen, tolyq baqylaýda turǵanyna, aýrýhanalar medısınalyq quraldarmen jabdyqtalyp, dári-dármek qorynyń jetkilikti ekenine toqtaldy. Sonymen qatar 600 medısına qyzmetkeriniń bilimi jetildirilgen. О́ńirde jańadan 4 PTR synamasyn alatyn laboratorııa ashylǵan. Oblysta kúnine 3 myńǵa jýyq PTR synamasy alynady.
Qasym-Jomart Toqaev Pavlodar oblysynyń respýblıkadaǵy mańyzdy aımaqtardyń biri ekenin, óńirge jan-jaqty qoldaý kórsetiletin aıtty. Prezıdent oblys ákimine halyqty jumyspen qamtý jumystaryn jalǵastyryp, aımaqtyń áleýmettik-ekonomıkalyq damý qarqynyn túsirmeýge baılanysty birqatar tapsyrma berdi.