Qala turǵyndary men qonaqtary úshin aldaǵy demalys kúnderi mádenıet mekemeleri konsertter, spektaklder men kórmeler daıyndaýda. Barlyq is-sharalar sanıtarlyq talaptarǵa sáıkes ótedi.
28 qarashada, saǵat 18:00-de «Astana Operada» P.I.Chaıkovskııdiń mereıtoıyna arnalǵan «Dýshı ı mýzykı sozvýche» atty orys romansynyń konserti ótedi, onda teatrdyń jetekshi solısi, Qazaqstannyń eńbek sińirgen ártisi, Qazaqstan Respýblıkasy Memlekettik syılyǵynyń laýreaty Maıra Muhamedqyzy óner kórsetedi. 29 qarasha kúni saǵat 18: 00-de «Astana Opera» orkestriniń birinshi skrıpkasy, Qazaqstannyń eńbek sińirgen qaıratkeri Baǵdat Ábilhanovpen, sondaı-aq halyqaralyq baıqaýlardyń laýreaty Saltanat Ábilhanovanyń qatysýymen «Bog mýzykı v ego vselılsıa opus…» konserti ótti.
Táýelsizdik saraıynda Abaı Qunanbaevtyń 175 jyldyǵyna arnalǵan jáne «Aqanaevtar áýleti» kórmeleri dúısenbiden senbige deıin - 31 jeltoqsanǵa deıin ashyq. 30 qarasha saǵat 10:00-den 17:00-ge deıin «О́ner Qarlyǵashtary» jáne «Mır glazamı rebenka» balalar ekspozısııalary jumys isteıdi. Qazaqstan Sýretshiler odaǵynyń múshesi, «Shabyt» shyǵarmashyl jastardyń halyqaralyq festıvaliniń dıplomanty, sýretshi Anar Áýbákirdiń «Tylsym» atty kórmesi usynylǵan. Sondaı-aq 30 qarasha saǵat 10:00-den 17:00-ge deıin Táýelsizdik saraıynyń «Syılyqtar» qorynan kórmeni tamashalaýǵa bolady, onda qalany, elordany aralaǵan resmı delegasııalardyń syılyqtary usynylady.
Qalalyq ákimdiktiń qýyrshaq teatrynda 28 qarasha kúni saǵat 12:00-de jáne 14:00-de jas kórermender úshin «Abaı - jaryq sáýle» baǵdarlamasy, 22:00-de «Skazka na noch» kórsetilimi ótedi. Instagram, Facebook.
28 qarashada saǵat 12:00-de Beıbitshilik jáne Kelisim Saraıynda Qazaqstan Respýblıkasynyń Tuńǵysh Prezıdenti kúnine jáne QHA-nyń 25 jyldyǵyna arnalǵan onlaın-konsert ótedi. Shara Instagram jelisinde kórsetiledi: @ piramida.astana; @detskaya_studia_astana_; @teatr_tanca_terra
M. Gorkıı atyndaǵy orys drama teatry 28 qarashada saǵat 11:00-de «Malenkaıa ıstorııa o Malenkom Mýke» ertegisin kórsetedi. Translıasııa YouTube saıtynda.
M.Gorkıı atyndaǵy orys drama teatrynyń kishi zalynda 28 qarashada saǵat 18:00-de «Ochen prostaıa ıstorııa» spektakli ótedi.