Qoǵamdyq tártip pen jol qaýipsizdigin qamtamasyz etý maqsatynda Qyzylorda qalalyq Polısııa basqarmasynyń qyzmetkerleri kúsheıtilgen tártipte qyzmet atqaryp jatyr, dep habarlaıdy Egemen.kz.
Polıseıler júrgizgen is-sharanyń úsh kúninde 416 ákimshilik quqyq buzýshylyq deregi anyqtaldy.
Onyń ishinde spırttik ishimdik ishý nemese qoǵamdyq oryndarǵa mas kúıinde kelýdiń 91 deregi tirkeldi. Sonymen birge, 6 márte kólik quralyn basqarý quqyǵynan aırylǵandardyń kólik júrgizgeni anyqtalyp, usaq buzaqylyq deregi 25, tynyshtyqty buzý 41, kámeletke tolmaǵan zańdy ókilinsiz túngi ýaqytta júrý 15 ret tirkeldi.
Qaýipsizdik beldigin taqpaı avtokólik basqarǵan 103 júrgizýshige, avtokólikti masań kúıinde basqarǵan 7 adamǵa tıisti sharalar kórildi.