Fýtboldan Eýropa chempıondar lıgasynyń toptyq kezeńindegi 4-týr oıyndary máresine jetip, pleı-off kezeńine shyqqan taǵy eki komanda anyqtaldy.
4-týrda jeńiske jetken «Bavarııa» men «Manchester Sıtı» merziminen buryn kelesi kezeńniń joldamasyn ıelendi. Al «Lıverpýl» kútpegen jerden óz alańynda «Atalantadan» jeńilip qaldy. «Atletıko» Madrıdte «Lokomotıvpen» teń tússe, V tobynyń ortalyq oıyny sanalǵan «Inter» – «Real» (0:2) kezdesýinde madrıdtikterdiń baǵy jandy. «Borýssııa M» Ýkraınada «Shahter» qaqpasyna jaýapsyz 4 gol soǵyp, týrnır kestesinde jeke-dara kósh bastady. Sondaı-aq bul týrda «Portý» syrt alańda «Marselden» basym tússe (2:0), «Aıaks» óz alańynda «Mıdtıýllandty» 3:1 esebimen jeńdi.