Qostanaı oblysynyń Arqalyq qalasynda kóktemgi jylyný men qardyń erýine baılanysty sý tasqynynyń aldyn alý sharalary qarqyndy júrgizilip jatyr. Bul jumystarǵa Ulttyq ulannyń áskerı qyzmetshileri qutqarýshylarmen jáne azamattyq qorǵaý mamandarymen birlesip jumyldyryldy, dep jazady Egemen.kz.
Qostanaıda ornalasqan 6697 áskerı bóliminen 70-ke jýyq ulandyq Arqalyqqa arnaıy jiberilip, jergilikti atqarýshy organdarǵa kómek kórsetip jatyr. Alǵashqy kúnnen bastap olar júktelgen mindetterdi jedel ári úılesimdi oryndaýǵa kirisken.
Elimizdegi sý tasqyny qaýpi joǵary óńirler belgili boldy
Qazirgi ýaqytta áskerı qyzmetshiler aldyn alý sharalarynyń keshenin júzege asyryp jatyr. Atap aıtqanda, erigen sý jınalýy múmkin aýmaqtar turaqty baqylaýǵa alynyp, táýlik boıy kezekshilik uıymdastyrylǵan. Bul jaǵdaıdyń kúrt ózgerýine der kezinde áreket etýge múmkindik beredi.
Elimizde 1242 eldi mekende sý tasqyny bolýy múmkin
Ásirese, halyqqa kómek kórsetýge basymdyq berilgen. «Novyı» aýdanynda ulandyqtar aýlany qardan tazartý jumystaryn júrgizip jatyr. Búginge deıin 200-den astam aýla qardan arshylyp, jumys kúsheıtilgen rejımde jalǵasqan.
Qazaqstan joldarynda sý tasqyny qaýpi bar 200-den astam ýchaske anyqtaldy