Halyqaralyq CERAWeek konferensııasynda Qazaqstan munaı-gaz salasyn damytýdyń negizgi baǵyttaryn usyndy. Is-shara barysynda eldiń jahandyq energetıka naryǵyndaǵy orny men aldaǵy josparlary keńinen talqylandy, dep habarlaıdy Egemen.kz.
Konferensııa aıasynda Energetıka mınıstri Erlan Aqkenjenov «Munaı naryǵynyń jahandyq boljamy: negizgi faktorlar men geosaıası týrbýlenttik» sessııasyna qatysyp, Qazaqstannyń senimdi energııa jetkizýshi retindegi pozısııasyn saqtaý mańyzdy ekenin atap ótti.
Mınıstr óz sózinde salanyń aldynda turǵan ózekti máselelerge toqtaldy. Sonyń ishinde energetıkalyq qaýipsizdikti qamtamasyz etý jáne Kaspıı qubyr konsorsıýmynyń (KQK) turaqty jumysyn saqtaý – basty basymdyqtardyń biri ekeni aıtyldy. О́ıtkeni dál osy baǵyt arqyly otandyq munaıdyń negizgi bóligi eksporttalady, sondyqtan onyń úzdiksiz jumysy ulttyq ekonomıka úshin sheshýshi mánge ıe.
Ormuz buǵazy arqyly munaı tasymaly qalaı sheshilmek?
Sonymen qatar Qazaqstan eksport baǵyttaryn ártaraptandyrý saıasatyn júıeli túrde júzege asyryp keledi. Bul rette Qytaı Halyq Respýblıkasy baǵytyna shyǵatyn marshrýttardy damytý kózdelgen. Degenmen, KQK ekonomıkalyq turǵydan eń tıimdi ári negizgi tasymaldaý arnasy bolyp qala beredi.
Jıynda ınvestısııalyq ahýaldy jaqsartý máselesine de erekshe nazar aýdaryldy. Mınıstrdiń aıtýynsha, geologııalyq barlaý men kómirsýtek óndirýge jańa ınvestısııalar tartý úshin salyqtyq jeńildikter qarastyrylǵan.Jaqsartylǵan úlgilik kelisimniń jumys istep turǵanyn atap ótti.
Qazaqstan munaıy nege kúrt qymbattady?
Sondaı-aq munaı-hımııa salasyn damytý jospary tanystyryldy. Qazaqstan munaı óńdeý qýatyn 2 esege arttyrýdy kózdep otyr. Bul bastama ishki naryqty tolyq qamtamasyz etip qana qoımaı, Ortalyq Azııadaǵy munaı ónimderin jetkizýshi retindegi eldiń áleýetin kúsheıtýge múmkindik beredi.
Jalpy, Qazaqstannyń CERAWeek konferensııasyna qatysýy halyqaralyq energetıkalyq qaýymdastyqpen ashyq dıalog ornatýǵa jáne jahandyq syn-qaterler jaǵdaıynda teńgerimdi saıasat júrgizýge daıyn ekenin kórsetedi.
Brent markaly munaıdyń baǵasy barreline 112 dollardan asty