Lıvııadaǵy Ulybrıtanııa men Kanada elshilikteri óz jumystaryn toqtatty. Bul týraly ITAR-TASS habarlady.
Jergilikti «Tadamýn» agenttigi málimdegendeı, elshilik qyzmetkerleri qaýipsizdik maqsatynda óz mindetterin oryndaýdan bas tartyp otyr.
Trıpolıdegi Ulybrıtanııa men Kanada ókildikteriniń konsýldyq bólimderi ornalasqan ǵımarat zańsyz qarýly qurylymdardyń baqylaýynda turǵan kórinedi.
Agenttiktiń aıtýy boıynsha, eldegi «Lıvııa revolıýsıonerleriniń jedel shtaby» atty bedeldi qurylym Alı Zeıdan bastaǵan úkimettiń otstavkaǵa ketýin talap etýde. Bul oraıda qarýly qurylymdardyń jetekshileri jedel jınalys ótkizip, birlesken áreketterin josparlamaq.
«Lıvııa revolıýsıonerleriniń jedel shtaby» sondaı-aq BUU-nyń Lıvııadaǵy álemdik uıym ókilderin qorǵaý úshin qaýipsizdik pen kúzet máseleleri jónindegi departamentten 200 qyzmetker jiberý josparyna narazylyq bildirdi. «Biz qandaı da bir shetel uıymynyń eldiń ishki isterine aralasýyna qarsymyz» – deıdi qurylym ókilderi.
Aıdar О́risbaev.
Derekkóz: Itar-tass.com