«Samuryq-Qazyna» UÁQ» AQ Basqarma tóraǵasy AQSh Federaldyq rezervtik júıesiniń tóraǵasymen jáne Qytaı ınvestısııalyq korporasııasyn (CIC), BAÁ Mubadala egemendi qory (Mubadala Investment Company), sondaı-aq Kýveıttiń ulttyq ál-aýqat qoryn (Kuwait Investment Authority) qosa alǵanda, álemdik táýelsiz qorlardyń birinshi basshylarymen birge ınvestısııalyq uıymdardyń TOP-10 basshylarynyń qataryna kirdi.
SWFI – bul táýelsiz ál-aýqat qorlaryn (124 birlik), zeınetaqy qorlaryn, ortalyq bankterdi (177 birlik), ınvestısııalyq basqarýshy kompanııalardy (3 475 birlik) jáne ınvestısııalaý, aktıvterdi, táýekelderdi bólý, basqarý, ekonomıka, saıasat, saýda jáne basqa da uzaq merzimdi memlekettik ınvestorlardy zertteýge arnalǵan ǵalamdyq uıym.
Public Investor-10 – ınvestısııalyq uıymdardyń eń bedeldi basshylaryn qamtıtyn jahandyq tanylǵan reıtıng. SWFI uıymy reıtıng jasaý kezinde ınnovasııalardy, qorlandyrýdy, ekologııalyq máselelerdi, kiristilikti, biregeı baǵdarlamalar jáne qabyldanǵan bastamalardy qosa alǵanda, birqatar parametrlerdi taldaıdy. Tarıhı turǵydan alǵanda reıtıng TOP-100-ge engen, biraq bıyl SWFI redaksııalyq alqasy 2020 jyly qubylmalylyqty eskere otyryp, eń úzdik 10 basshyny bólip kórsetý úshin ózgeris engizýdi uıǵardy.