Irannyń ońtústigindegi «Býsher» atom elektr stansııasy mańynda kezekti áýe soqqysy tirkeldi. Resmı derekterge qaraǵanda, shabýyl AQSh pen Izraıl tarapynan jasalǵan, alaıda nysannyń ózine zaqym kelmegen, dep jazady Egemen.kz.
IRNA Irannyń Atom energııasy jónindegi uıymyna silteme jasaı otyryp, 24 naýryz kúni keshki saǵat 21:08 shamasynda (Grınvıch boıynsha 17:38) snarıad «Býsher» qalasyndaǵy atom nysanyna jaqyn aýmaqqa túsken.
Izraıl Irannyń Ulttyq qaýipsizdik keńesiniń hatshysy qaza tapqanyn málimdedi
Agenttik bul áreketti AQSh pen Izraıldiń «dushpandyq qımyldarynyń jalǵasy» dep baǵalady. Aldyn ala málimet boıynsha, zardap shekkender joq, sondaı-aq atom nysanyna zaqym kelmegen.
Aıta keteıik, bul – sońǵy kúnderi tirkelgen ekinshi shabýyl. Buǵan deıin 17 naýryzda dál osyndaı soqqy jasalyp, ol kezde de eshqandaı qıratý men adam shyǵyny bolmaǵan.
Málimetterge súıensek, 28 aqpannan beri AQSh pen Izraıl Iran aýmaǵyna áýe soqqylaryn jalǵastyryp keledi. Sonyń saldarynan 1 340-tan astam adam qaza tapqan, olardyń qatarynda Irannyń burynǵy joǵarǵy kóshbasshysy Álı Hameneı de bar ekeni aıtylady.
Irannyń jańa rýhanı jetekshisiniń jaralanǵany rastaldy
О́z kezeginde Tegeran jaýap retinde ushqyshsyz ushý apparattary men zymyrandar arqyly soqqy berip, Izraılmen qatar Iordanııa, Irak jáne Parsy shyǵanaǵyndaǵy birqatar elderdegi AQSh áskerı nysandaryn nysanaǵa alǵan.
Qaqtyǵystyń ýshyǵýy saldarynan ınfraqurylymǵa zııan kelip, adam shyǵyny artqan, sondaı-aq álemdik naryqtar men áýe qatynasyna keri áser etken.
Iran AQSh-pen kelissózder júrgizilip jatqanyn joqqa shyǵardy